Bu ilin yanvar-mart aylarının yekunlarına görə, Azərbaycandakı 20 sığorta şirkətindən 10-nun ödənişləri illik müqayisədə artıb, 8-nin ödənişləri azalıb, 2 şirkət (“Aqrar Sığorta Müştərək Sığorta Şirkəti” və “Meqa Həyat Sığorta” ASC-lər) ötən ilin yanvar-mart aylarında ödəniş etmədiyi üçün onların ödənişlərində dinamika qeydə alınmayıb.

Bu barədə Azərbaycan Mərkəzi Bankının açıqladığı statistik hesabatda bildirilir.

Hesabata əsasən, son 1 ildə ödənişləri ən çox artan şirkət “Bakı Sığorta” ASC-dir. Bu şirkət il ərzində 586 min manat ödəniş edib ki, bu da 1 il əvvələ nisbətən 5,2 dəfə çoxdur.

Ödənişləri ən az artan şirkət isə Dövlət Sığorta Kommersiya Şirkətidir (“Azərsığorta”). Bu şirkətin ödənişləri 6,352 milyon manat təşkil edib ki, bu da illik müqayisədə 4,6% çoxdur.

Ödənişləri azalan şirkətlər arasında ən pis vəziyyət "Atəşgah Həyat Sığorta" ASC-dədir. Bu şirkət il ərzində 2,835 milyon manat ödəniş edib ki, bu da 1 il əvvələ nisbətən 12,3% azdır. Ödənişlərdə azalma baxımından ən yaxşı vəziyyət isə “Xalq Sığorta” ASC-dədir. Bu şirkətin ödənişləri 93,4% azalaraq 5,701 milyon manata düşüb. 

7 sığorta şirkətinin yığımları azalıb

Bu ilin yanvar-mart aylarının yekunlarına görə, Azərbaycandakı 20 sığorta şirkətindən 13-nün yığımları illik müqayisədə artıb, 7-nin yığımları azalıb.

Hesabata əsasən, son 1 ildə yığımları illik müqayisədə ən çox artan şirkət "Aqrar Sığorta Müştərək Sığorta Şirkəti" ASC-dir. Bu şirkət 3 ay ərzində 3,435 milyon manat sığorta haqqı toplayıb ki, bu da 1 il əvvələ nisbətən 6,1 dəfə çoxdur. Daxilolmaları ən az artan şirkət isə “Atəşgah Sığorta” ASC-dir. Bu şirkətin daxilolmaları 6,821 milyon manat təşkil edib ki, bu da 1 il əvvələ nisbətən 5,1% çoxdur.

Yığımları azalan şirkətlər arasında ən pis vəziyyət Dövlət Sığorta Kommersiya Şirkətindədir (“Azərsığorta”). Bu şirkətin daxilolmaları 93,6% azalaraq 2,455 milyon manat olub. Yığımlarda azalma baxımından ən yaxşı vəziyyət isə “Azərbaycan Sənaye Sığorta” ASC-dədir. Bu şirkətin daxilolmaları 4,8% azalaraq 4,657 milyon manata düşüb. 

KREDİTİ ONLAYN əldə et – 20 000 AZN-dək, 0% komissiya

© "Renkinq"