“Kapital Bank” nizamnamə kapitalından ən yaxşı istifadə edən bankdır

“Kapital Bank” nizamnamə kapitalından ən yaxşı istifadə edən bankdır

“Kapital Bank” nizamnamə kapitalından ən yaxşı istifadə edən bankdır

Azərbaycanda fəaliyyət göstərən 26 bank ötən ili 609 milyon manat xalis mənfəətlə başa vurub ki, bu da onların bu il yanvarın 1-nə malik olduqları 4 milyard 611 milyon 838 min manat məbləğində nizamnamə kapitalının 13,2%-i qədərdir.

Ayrı-banklarda isə sözügedən nisbət fərqlidir. Belə ki, 2021-ci ildən mənfəətlə çıxmış 23 bank arasında nizamnamə kapitalından ən yaxşı istifadə edəni "Kapital Bank" ASC olub. Bu bankın əldə etdiyi mənfəət kapitalının 73,2%-ni təşkil edib. Baxmayaraq ki, "Kapital Bank" kapitalının məbləğinə görə ölkədə 7-cidir.

Fəaliyyət effektivliyinə görə, 2-ci yeri isə “Bank of Baku” ASC tutub. Bu bank ötən il nizamnamə kapitalının 43,6%-i qədər mənfəət əldə edib. Bu arada, "Bank of Baku" kapitalının məbləğinə görə, 26 bank arasında 22-ci yerdə qərarlaşıb.

Həmçinin oxu

Aktivlərindən ən yaxşı istifadə edən banklar - ARAŞDIRMA

3-cü yerə isə “Bank Respublika" ASC sahib çıxıb. Bu bankın illik mənfəəti nizamnamə kapitalının 26,6%-i qədər olub. Halbuki, "Bank Respublika" kapitalının məbləğinə görə, banklar arasında 16-cıdır.

Mənfəətlə işləyən qalan 20 bankdan isə 4-də sözügedən göstərici 13-26% arasında, 12 bankda 1-8% arasında, 4 bankda isə 0-1% arasında dəyişir.

№	Bankın adı	Bankın illik mənfəətinin /zərərinin nizamnamə kapitalına nisbəti
1	Kapital Bank	73,2%
2	Bank of Baku	43,6%
3	Bank Respublika	26,6%
4	PAŞA Bank	25,4%
5	Azərbaycan Beynəlxalq Bankı	16,8%
6	Zıraat Bank Azərbaycan	14,1%
7	AFB Bank	13,2%
8	Xalq Bank	7,5%
9	Naxçıvan Bank	7,0%
10	Express Bank	6,8%
11	Azərbaycan Sənaye Bankı	3,7%
12	Unibank	3,6%
13	Yelo Bank	3,1%
14	Rabitəbank	2,7%
15	Bank Avrasiya	1,6%
16	Muğan Bank	1,4%
17	Bank VTB Azərbaycan	1,3%
18	Premium Bank	1,3%
19	Azər-Türk Bank	1,1%
20	Bank BTB	0,8%
21	Turan Bank	0,8%
22	Günay Bank	0,6%
23	Access Bank	0,4%
24	Yapı Kredi Bank Azərbaycan	-1,7%
25	İran Milli Bankı - Bakı	-2,7%
26	Pakistan Milli Bankı - Bakı	-4,3%

08.03.2022 16:38

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az