5 bankın ötənilki mənfəəti 20 milyon manatdan çoxdur

5 bankın ötənilki mənfəəti 20 milyon manatdan çoxdur

5 bankın ötənilki mənfəəti 20 milyon manatdan çoxdur

Azərbaycanda fəaliyyət göstərən 26 bankdan 3-ü ötən ili zərərlə başa vurub.

Bunlar “Yapı Kredi Bank Azərbaycan” QSC, Pakistan və İran Milli Banklarının Bakı filiallarıdır.

VTB-də minimal faiz dərəcəsi ilə nağd kredit 10.49%-dən

Qalan 23 bank isə müxtəlif məbləğlərdə (xalis) mənfəət əldə edib. Onlardan 5-də sözügedən göstərici 20 milyon manatdan çoxdur. Həmin banklar “Azərbaycan Beynəlxalq Bankı” (208,78 milyon manat), “Kapital Bank” (179,963 milyon manat), “PAŞA Bank” (90,18 milyon manat), “Xalq Bank” (27,289 milyon manat) və “Bank of Baku” (23,06 milyon manat) ASC-lərdir.

Qalan 18 bankdan 2-də (xalis) mənfəət 10-20 milyon manat arasında, 11 bankda 1-10 milyon manat arasında, 5 bankda isə 1 milyon manatdan azdır.

8 bankın (xalis) mənfəəti azalıb

Azərbaycanda fəaliyyət göstərən 26 bankdan 13-nün ötənilki (xalis) mənfəəti əvvəlki illə müqayisədə çox olub.

Bunlar “Zıraat Bank Azərbaycan”, “Bank Respublika”, “Muğan Bank”, “Bank of Baku”, “AFB Bank”, “Azərbaycan Beynəlxalq Bankı”, “Azər-Türk Bank”, “Rabitəbank”, “Express Bank”, “Bank VTB Azərbaycan”, “PAŞA Bank”, “Xalq Bank” və “Günay Bank” ASC-lərdir.

Ən yüksək dinamika “Zıraat Bank Azərbaycan”da (3,3 dəfə), ən aşağı dinamika isə “Günay Bank”da (0,5%) qeydə alınıb.

8 bankın – “Turan Bank”, “Naxçıvan Bank”, “Bank Avrasiya”, “Kapital Bank”, “Premium Bank”, “Azərbaycan Sənaye Bankı” və “Unibank” ASC-lərin, eləcə də “Access Bank” QSC-nin isə (xalis) mənfəəti azalıb. Ən çox azalma “Access Bank”da (57,8%), ən az azalma isə “Turan Bank”da (2,3%) qeydə alınıb.

1 bankın – Pakistan Milli Bankının Bakı filialının isə zərəri 92% artıb.

2 bank – “Bank BTB” və “Yelo Bank ASC-lər ötən ili mənfəətlə, əvvəlki ili zərərlə, 2 bank – “Yapı Kredi Bank Azərbaycan” QSC və İran Milli Bankının Bakı filialı isə ötən ili zərərlə, əvvəlki ili mənfəətlə başa vurublar. Odur ki, bu bankların (xalis) mənfəətinin / zərərinin dinamikasını hesablamaq mümkün olmayıb.

KREDİTİ ONLAYN əldə et – 20 000 AZN-dək, 13,99%-dən, 0% komissiya

04.03.2022 09:06

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az