Maliyyə naziri "AccessBank"ın əsas səhmdarı ilə müzakirələr aparıb

Maliyyə naziri "AccessBank"ın əsas səhmdarı ilə müzakirələr aparıb

Maliyyə naziri "AccessBank"ın əsas səhmdarı ilə müzakirələr aparıb

Fevralın 23-də maliyyə naziri Samir Şərifov Asiya İnkişaf Bankının (AİB) Direktorlar Şurasında Azərbaycan üzrə İcraçı direktor Antoni Makdonald ilə video-konfrans formatında görüş keçirib.

Maliyyə Nazirliyinin yaydığı məlumata görə, görüşdə Azərbaycan ilə AİB arasında əməkdaşlığın hazırki vəziyyəti və gələcək istiqamətləri barədə geniş fikir mübadiləsi aparılıb, əlaqələrin uğurla inkişaf etdiyi vurğulanıb.

VTB-də minimal faiz dərəcəsi ilə nağd kredit 9.9%-dən

Samir Şərifov Prezident İlham Əliyevin rəhbərliyi altında hökumət tərəfindən həyata keçirilən tədbirlər, işğaldan sonra azad edilmiş ərazilərin bərpa və yenidənqurulması, “COVİD-19” pandemiyası ilə mübarizə və onun ölkə iqtisadiyyatına təsirlərinin aradan qaldırılması ilə bağlı görülən işlər barədə ətraflı məlumat verib. Nazir qeyd edib ki, mənfi proqnozlara baxmayaraq həyata keçirilmiş məqsədyönlü və çevik siyasət sayəsində 2021-ci ildə iqtisadiyyatın bütün sahələrində sürətli bərpaya nail olunub, nəticədə 2021-ci ildə ÜDM-in artım tempi 5.6%, qeyri-neft ÜDM-nin artım tempi isə 7.2% təşkil edib, ölkənin dövlət borcu azalıb, valyuta ehtiyyatları isə artıb.

Öz növbəsində Antoni Makdonald hökumətin pandemiya dövründə riskləri düzgün təhlil edərək həyata keçirdiyi qabaqlayıcı tədbirləri və bu günədək “COVID-19”la mübarizə sahəsində görülən işləri, habelə 2021-ci ildə əldə olunan iqtisadi artımı qeyd edərək, Azərbaycanda müşahidə olunan makroiqtisadi və maliyyə sabitliyini, əldə olunan nailiyyətləri müsbət qiymətləndirib.

Tərəflər pandemiya ilə mübarizənin növbəti mərhələsində əsas prioritetlər, bankın iqlim dəyişmələrinə qarşı mübarizə üzrə tədbirlərin maliyyələşdirilməsi təşəbbüsləri, yenidən işlənmiş enerji siyasətinin icrası və bir sıra təşkilati təşəbbüslər barədə də fikir mübadiləsi aparıblar.

Qeyd edək ki, Asiya İnkişaf Bankı 19.90% pay ilə "AccessBank" QSC-nin əsas səhmdarıdır.

23.02.2022 18:49