Ən yuxarı statik reklam_3
Ən yuxarı (mobil)_30
Mobil manşet üstü reklam_21

Qoyunun sığortası 7 manata, nar bağının sığortası - 40 manata başa gəlir – FERMERLƏRLƏ GÖRÜŞ

iç səhifə xəbər başlığı altı (mobil)_31
Qoyunun sığortası 7 manata, nar bağının sığortası - 40 manata başa gəlir – FERMERLƏRLƏ GÖRÜŞ
iç səhifə xəbər şəkil altı-2 (mobil)_32

Azərbaycanda dövlət dəstəyi ilə tətbiq edilən aqrar sığorta mexanizmi ilə bağlı əhali və fermerlərin məlumatlandırılması davam edir.

Aqrar Sığorta Fondunun mütəxəssisləri bu məqsədlə Kürdəmir rayonunda yerli fermerlərlə görüşlər keçirib.

Kürdəmir rayon icra hakimiyyətinin və Dövlət Aqrar İnkişaf Mərkəzinin (DAİM) dəstəyi ilə təşkil edilən görüşlər, yerli DAİM-də, eləcə də rayonun Sığırlı, Karrar və Garis Əyribənd kəndlərində keçirilib.

Görüşlərdə fermerlərə aqrar sığorta qaydaları, şərtləri və bu sahədəki yeniliklər barədə ətraflı məlumat verilib. Bildirilib ki, dövlət dəstəkli aqrar sığortanın ən mühüm cəhəti onun etibarlı olması və fermerlərə dəstək üçün sığorta haqqının yarısının dövlət tərəfindən ödənilməsidir.

Görüşlərdə məlumat verilib ki, Nazirlər Kabinetinin 21 dekabr 2021-ci il tarixli qərarı ilə aqrar sığortanın əhatə etdiyi bitkilərin siyahısı genişləndirilib. Nəticədə indi sığorta vasitəsilə demək olar ki, bütün meyvələri, o cümlədən Kürdəmir ərazisində geniş becərilən nar bağlarını sığortalamaq mümkündür. 

Aqrar sığorta meyvə bağlarını - dolu; qasırğa; fırtına; sel və subasma; leysan; şaxtavurma, normadan artıq yağan qar yağıntıları; üçüncü şəxslərin hərəkətləri, ildırım; yanğın; zəlzələ, torpaq sürüşməsi  və sair risklərdən qoruyur.

Fermerlər nar bağlarının hər şektarından ildə orta hesabla 5-10 min manatlıq məhsul yığdıqlarını bildirərək bu hal üçün sığorta haqqı ilə maraqlanıblar.

Bildirilib ki, bu şərtləri və Kürdəmir rayonu üzrə sığorta tariflərini nəzərə alanda sözügedən bağların hər şektarının baza zərfi ilə sığortası fermerlərə 40-80 manata başa gələcək. Bağdakı məhsul tamamilə itirilsə, fermerlərə müvafiq olaraq 4500-9000 manatadək kompensasiya veriləcək. Əlavə ödənişlə nar bağlarını donvurmadan, bitki xəstəliklərindən və dolu nəticəsində keyfiyyət itkisindən də sığortalamaq olar.

Görüşdə digər meyvə bağlarının və əkinlərin sığortası barədə də məlumiat verilib.

Fermerlərə bildirilib ki, Nazirlər Kabinetinin qərarı ilə sığortalanan heyvanların siyahısı da genişləndirilib və buraya südlük inəklərlə yanaşı, ətlik mal-qara (danalar) və qoyun-keçilər də daxil edilib. Yeni tariflərlə 1000 manatlıq inəyin sığortası fermerə 31-47 manata, 300 manatlıq keçinin sığortası 10,5 manata, 200 manatlıq qoyunun sığortası isə cəmi 7 manata başa gələcək.

Fermerlər aqrar sığortanın şərtlərindən, xüsusilə də 50%-lik dövlət dəstəyindən məmnun qaldıqlarını bildiriblər.

Görüşdə kənd sakinləri və fermerlərin heyvan və bitki sığortası ilə bağlı çoxsaylı sualları cavablandırılıb, onlara ətraflı məlumat verilib.

Kürdəmir Sığırlı Karrar Garis Əyribənd
12.02.2022 10:48
📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az

Müştərilərin xəbərləri

Mobil-manshet-alt3_22
📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Mobil əsas səhifə 4-cü2_27
Mobil əsas səhifə 5-ci_28
Mobil əsas səhifə 6-ci-2_29
Manşetin sağı-2_5
Esas-sehifede-reklam-3_8
Ana-sehifede-2-reklam-3_9
Əsas səhifədə 3-cü reklam_10
Xəbər mətn sağ 1-ci-2_15
Xəbər mətn sağ 2-ci2_16
Xəbər mətn sağ 3-cü_17
Xeber_metn_sag_18_2_18
InvestAZ