Bir ölkə sakininin orta aylıq alışı 362 manata yaxınlaşıb

Bir ölkə sakininin orta aylıq alışı 362 manata yaxınlaşıb

Yanvar ayında pərakəndə ticarət şəbəkəsində bir ölkə sakini 199,1 manatlıq ərzaq məhsulları, içkilər və tütün məmulatları, 162,6 manatlıq qeyri-ərzaq malları almışdır.

Bir ölkə sakininin orta aylıq alışı 362 manata yaxınlaşıb

2022-ci ilin yanvar ayında pərakəndə ticarət şəbəkəsində istehlakçılara 3,6 milyard manatlıq, o cümlədən 2 milyard manatlıq ərzaq məhsulları, içkilər və tütün məmulatları, 1,6 milyard manatlıq qeyri-ərzaq malları satılmışdır.

Dövlət Statistika Komitəsinin yaydığı məlumata görə, 2021-ci ilin yanvar ayı ilə müqayisədə pərakəndə ticarət dövriyyəsi real ifadədə 2,9 faiz, o cümlədən ərzaq məhsulları, içkilər və tütün məmulatları üzrə 2,5 faiz, qeyri-ərzaq malları üzrə 3,5 faiz artmışdır.

Hesabat ayında əmtəə bazarı aşağıdakı göstəricilərlə xarakterizə olunmuşdur:

Məhsul qruplarının adları	Satışdan gəlir, milyon manatla	2021-ci ilin yanvar ayına nisbətən, faizlə
Pərakəndə ticarət dövriyyəsi	3 630,3	102,9
o cümlədən:
ərzaq məhsulları	1 780,6	102,8
içkilər və tütün məmulatları	217,4	100,6
toxuculuq məhsulları, geyim və ayaqqabılar	536,4	100,5
elektrik malları və mebellər	171,4	100,3
kompüterlər, telekommunikasiya avadanlıqları və çap məhsulları	35,2	156,0
əczaçılıq məhsulları və tibbi ləvazimatlar	96,1	137,4
avtomobil benzini və dizel yanacağı	182,4	106,0
digər qeyri-ərzaq malları	610,8	100,2

2022-ci ilin yanvar ayında alıcıların son istehlak məqsədilə aldıqları mallara xərclədiyi vəsaitin 49,0 faizi ərzaq məhsullarının, 6,0 faizi içkilər və tütün məmulatlarının, 14,8 faizi toxuculuq məhsulları, geyim və ayaqqabıların, 5,0 faizi avtomobil benzini və dizel yanacağının, 4,7 faizi elektrik malları və mebellərin, 2,7 faizi əczaçılıq məhsulları və tibbi ləvazimatların, 1,0 faizi kompüterlər, telekommunikasiya avadanlıqları və çap məhsullarının, 16,8 faizi isə digər qeyri-ərzaq mallarının alınmasına sərf olunmuşdur.

Hesabat ayında qeyri-dövlət sektorunun təsərrüfat subyektləri tərəfindən satılmış malların dəyəri əvvəlki ilin eyni ayı ilə müqayisədə 3,3 faiz artaraq ümumi pərakəndə ticarət dövriyyəsinin 99,8 faizini təşkil etmişdir.

2021-ci ilin yanvar ayı ilə müqayisədə pərakəndə ticarət dövriyyəsi real ifadədə müəssisələr üzrə 9,1 faiz, fərdi sahibkarlar üzrə 0,2 faiz, bazar və yarmarkalarda 1,7 faiz artmışdır.

Hesabat ayında pərakəndə ticarət şəbəkəsində bir ölkə sakini orta hesabla 361,7 manatlıq, o cümlədən 199,1 manatlıq ərzaq məhsulları, içkilər və tütün məmulatları, 162,6 manatlıq qeyri-ərzaq malları almışdır.

11.02.2022 12:15

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az