VTB (Azərbaycan) iki yeni məhsul – “Uşaq yığım hesabı” və vəsaitin qismən artırılma və çıxarılması mümkün olan “Cari yığım hesabı” əmanətlərini istifadəyə verir. Məhsullar üzrə maksimum faiz dərəcəsi müvafiq olaraq 10,5% və 9% təşkil edir.

Bankın yaydığı məlumatda bildirilir ki, cari yığım hesabında maksimum gəlir 9%-ə çatır. Minimum yerləşdirmə məbləği 0,01 AZN-dir, əmanəti istənilən vaxt artırmaq və azaltmaq mümkündür. Depozit manatda qeyri-məhdud müddətə açıla bilər.

"Uşaq yığım hesabı"-nı iki valyutada - manat və dollarda aça bilərsiniz. Maksimum faiz dərəcəsi manatla vəsait yerləşdirərkən 10,5%, ABŞ dollarında isə 2,5% təşkil edir. Əmanəti yetkinlik yaşına çatdıqda ondan istifadə edə biləcək uşaq üçün valideyn və ya qəyyumun adına aça bilərsiniz. Milli valyutada vəsait yerləşdirildikdə minimum məbləğ 100 AZN, ABŞ dollarında hesab açıldıqda isə 100 ABŞ dollarıdır. Siz istənilən vaxt əmanəti artıra bilərsiniz - minimum məbləğ əmanət valyutasından asılı olaraq 5 AZN və ya 5 USD təşkil edir. Depozit müddəti 1 ildən 18 ilə qədərdir.

“2021-ci ildə VTB (Azərbaycan)-ın fiziki şəxslərin depozitləri üzrə portfeli 47% artaraq dekabrın sonuna 38,6 milyon manat təşkil edib. Bankın depozit məhsullarına artan marağı nəzərə alaraq, biz əmanətlərin çeşidini genişləndirmək qərarına gəldik və iki yeni məhsul buraxdıq. “Cari yığım hesabı” banka cüzi bir məbləğ də yerləşdirərək gəlir əldə etməyə imkan verir. Eyni zamanda, müştərinin istənilən vaxt əmanətini artırmaq və ya ondan vəsait çıxarmaq imkanı var. Digər yeni depozit məhsulu Uşaq yığım hesabıdır. Bu, övladının gələcəyi üçün kapital qurmaq, həmçinin yetkinlik yaşına çatdıqda ona maliyyə müstəqilliyi vermək istəyən valideynlər üçün faydalı maliyyə alətidir”, - deyə, VTB (Azərbaycan)-ın Pərakəndə Biznesin İnkişafı Departamentinin direktoru Yevgeniy Borodin bildirib.

15%-DƏN BAŞLAYAN KREDİTİ ONLAYN ƏLDƏ ET