Balıq ovunun qadağan olunduğu yerlər açıqlanıb

Balıq ovunun qadağan olunduğu yerlər açıqlanıb

Azərbaycanda balıq və digər su bioresurslarının sənaye ovunun şərtləri açıqlanıb.

Bu, Nazirlər Kabinetinin təsdiq etdiyi “Balıq və digər su bioresursları ovunun Qaydaları”nda əksini tapıb.

Qaydaya əsasən bütün il boyu aşağıdakı yerlərdə balıq və digər su bioresurslarının sənaye ovu qadağandır:

- Kür çayının mənsəbinin qarşısındakı sahələrdə: çayın mənsəbinin sağ sahilindən Cənub-Şərq Qoltuq yaşayış məntəqəsi istiqamətindəki dəniz ləpədöyəninə qədər düz xətt üzrə 9 km-lik məsafədə, çayın mənsəbinin sol sahilindən Şimal-Şərq Qoltuq yaşayış məntəqəsi istiqamətindəki dəniz ləpədöyəninə qədər 9 km-lik məsafədə və bu kənar nöqtələrdən orta dəniz ləpədöyəni ilə Xəzər dənizinin dərinliyinə doğru 7 km-lik sahədə;

- Dəniz ləpədöyənindən Kür çayından əsas qolun (Bala Kür) ayrıldığı ərazilərə kimi, Sabirabad rayonunun Bala Həşimxanlı kəndindən Varvara SES-in bəndinə qədər olan sahədə;

- Araz çayında su anbarı istisna olmaqla bütün çay boyu;

- Su bəndləri, şlüzlər və körpülərdən 500 metr məsafəyədək ərazilərdə.

Aşağıda göstərilən müddətlərdə və yerlərdə balıq və digər su bioresurslarının sənaye ovuna icazə verilir:

Balıqçılıq və su obyektləri	Ov alətləri	Ova icazə verilən müddətlər
1	2		3
Xəzər dənizində (gölündə)
Axçalı və siyənək balıqlarının ovu	dayanan diktorbalı torlar və tələ quruluşlu digər ov alətləri		yanvarın 1-dən mayın 1-nə kimi və sentyabrın 1-dən dekabrın 31-nə kimi
Meliorativ kollektorların mənsəbində və məcrasında	bu Qaydalarla müəyyən edilmiş və istifadəsi mümkün olan bütün ov alətləri		il boyu
Gəmilərlə kilkə ovu	konus tor və nasoslar		yanvarın 1-dən mayın 1-nə kimi və iyunun 1-dən dekabrın 31-nə kimi
1	2		3
Siyənək və axçalı balıqların ovu	Siyənək torları		fevralın 1-dən mayın 1-nə kimi
Sahil kilkəsinin ovu	dayanan diktorbalı torlar		yanvarın 1-dən aprelin 1-nə kimi və sentyabrın 15-dən dekabrın 31-nə kimi
Kefal və digər axçalı balıqların ovu	cibli kefal torları		yanvarın 1-dən mayın 1-nə kimi və sentyabrın 1-dən dekabrın 31-nə kimi
H.Z.Tağıyev adına qəsəbədən Rusiya Federasiyasının sərhəd-lərinə qədər olan sahil-boyu ərazilərdə siyənək və axçalı balıqların ovu	atılan dəniz diktorbalı toru		martın 1-dən aprelin 15-nə kimi
Xərçəng və krevet ovu	xərçəngtoplayan		mayın 1-dən noyabrın 1-nə kimi
Kür çayında
Nərə cinsli, axçalı və qızıl balıqların ovu	atılan diktorbalı torlar və üzən çay torları ilə		yanvarın 1-dən aprelin 1-nə kimi və sentyabrın 1-dən dekabrın 31-nə kimi
Kür çayının əlavə sularında axçalı balıqların ovu	üzən çay torları ilə		yanvarın 1-dən martın 1-nə kimi və sentyabrın 1-dən dekabrın 31-nə kimi
Göllərdə
Candargöl və Sarısu göllər sisteminə daxil olan su obyektlərində axçalı balıqların ovu	göl venterləri və axçalı balıq torları		yanvarın 1-dən aprelin 1-nə kimi və sentyabrın 1-dən dekabrın 31-nə kimi
Su anbarlarında
Mingəçevir, Şəmkir, Araz, Ağstafa və Varvara su anbarlarında axçalı balıqların ovu	göl venterləri və axçalı balıq torları		yanvarın 1-dən aprelin 1-nə kimi və sentyabrın 1-dən dekabrın 31-nə kimi
Mingəçevir, Araz və Varvara su anbarlarında xərçəng ovu	ixtisaslaşdırılmış ov alətləri		mayın 1-dən noyabrın 1-nə kimi

Aşağıdakı ərazilərdə və müddətlərdə balıq və digər su bioresurslarının sənaye balıq ovu qadağandır:

- Şabran limanını dəniz ilə birləşdirən mənsəbyanı sahədə hər iki tərəfə 1 km, dənizin içərisinə doğru 2 km-lik ərazidə yanvarın 1-dən avqustun 15-nə kimi;

- Kür çayının qadağan sahəsinin şimal sərhədindən Sabirabad rayonunun Bala Həşimxanlı kəndinə qədər olan sahədə aprelin 1-dən mayın 31-nə kimi;

- Böyük Qızılağac körfəzinin sahələrində: Kür dilinin cənub qurtaracağından Kiçik Qızılağac körfəzinin suburaxma kanalının sərhədinə qədər olan ərazilərdə mayın 1-dən 31-nə kimi;

- Kiçik Qızılağac körfəzinin balıqkeçirici kanalından 1 km şimala və 1 km cənuba, habelə dənizin içərisinə doğru 3 km ərazilərdə fevralın 1-dən mayın 1-nə kimi.

07.06.2017 09:12