Qızıl investorları FED-ə fokuslanıblar

Qızıl investorları FED-ə fokuslanıblar

Qızıl investorları bu gün açıqlanacaq FED-in faiz qərarına fokuslanıblar. Qızılın qiyməti noyabr ayından bəri ilk dəfə çərşənbə axşamı günü 1850 dolları keçib.

Marja xəbər verir ki, qızılın qiyməti FED-in iclası öncəsi 1850 dolları keçdikdən sonra bugün ucuzlaşıb.

FED-in Federal Açıq Bazar Komitəsi (FOMC) yanvar ayı üçün faiz qərarını müəyyən etmək üçün toplanacaq. Bloomberg-in sorğusuna qatılan iqtisadçılar bu toplantıda FED-in mart ayında uçot dərəcəsini artıracağına işarə verəcəyini gözlədiklərini bildiriblər.

“Goldman Sachs” Fed-in siyasət faizini “Wall Street”in gözlədiyindən daha aqressiv şəkildə artırması riskinin olduğunu bildirib. “Goldman Sachs”ın baş iqtisadçısı Jan Hatzius həftə sonu müştərilərlə paylaşdığı məlumatda mart, iyun, sentyabr və dekabr aylarında dörd faiz artımı gözlədiklərini bildirib.

“Bloomberg Economics”in araşdırmasına görə, Argentina FED-in faiz artırmasına ən həssas ölkədir, Türkiyə isə ikinci yerdədir. Argentina və Türkiyədən sonra ən çox risk altında olan ölkələr Cənubi Afrika, Kolumbiya, Misir və Braziliyadır.

Son həftəni 1%-ə yaxın artımla bağlayan qızılın unsiyası, son 6 həftənin 5-ni qazancla keçirib. Qızılın unsiyası çərşənbə axşamı qlobal bazarlarda risk iştahının azalmasından dəstək alaraq 1853 dollara yüksəlib. FED-in iclasından əvvəl bir qədər ucuzlaşan qiymətli metal hazırda 1846 dollar səviyyəsindədir.

Sərt monetar siyasətə keçid dolları bahalaşdırsa da, yüksək inflyasiya qızılda artım tendensiyasının hələ bir müddət davam etməsinə səbəb ola bilər. Bu səbəbdən sərt pul siyasətinin başlanğıcında qızılın qiymətlərində sürətli və kəskin geri çəkilmə yaşanmaya bilər. Artım tendensiyasını davam etdirən qiymətli metal 1855 dollar həddini qırsa, 1870 dollara və 1880 dollara kimi bahalaşa bilər.

26.01.2022 11:01

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az