Dəyərli müştərilərinə mütəmadi olaraq xüsusi imkanlar yaradan Expressbank yay tətilini sərfəli keçirmək istəyənlər üçün əla fürsətlər təklif edir.

Belə ki, ExpressClub layihəsi çərçivəsində tərəfdaşlar sırasına yeni əlavə olunmuş “Rixos Quba Azerbaijan”, “Chinar Hotel & Spa Naftalan”, “Naftalan Hotel Qashalti”, “Excelsior Hotel Shamkir”, Şəki şəhərində “Marxal Resort & Spa” sağlamlıq və turizm mərkəzlərinin qonaqları burada istirahət zamanı ödənişi Expressbank-ın plastik kartları ilə edərkən 10%-dək cashback qazanacaqlar. Yəni, xərclədikləri vəsaitin 10%-dək hissəsi kartlarına geri qayıdacaq.

“Xərclərinizi gəlirə çevirin” şüarı altında təqdim olunan ExpressClub layihəsi çərçivəsində, Expressbank-ın bütün kart sahibləri ölkədaxili POS-terminallar vasitəsi ilə alış-veriş edərkən, xərclədikləri məbləğin bir hissəsini karta geri alırlar (cashback). Müştərilər bu vəsaiti həm nağdlaşdırır, həm də POS-terminallar vasitəsi ilə yenidən alış-veriş etməklə növbəti xərclərini də gəlirə çevirmiş olurlar.

ExpressClub layihəsinin xüsusi üstünlüyü - onun nəinki ExpressClub tərəfdaşlar şəbəkəsinə daxil olan satış nöqtələrində 20%-dək cashback qaytarması, hətta bu şəbəkəyə daxil olmayan, POS-terminalla ödəniş mümkün olan istənilən satış nöqtəsində xərclənən vəsaitin 0,3% hissəsinin müştərilərin kartına geri qayıtmasıdır. ExpressClub şəbəkəsinə daxil olan tərəfdaşların siyahısı isə daim yenilənməkdə və artmaqdadır.

Bütün bu fürsətlərdən yararlanmaq üçün sadəcə Expressbank-ın istənilən plastik kart sahibi olmaq kifayətdir! Bunun üçün şəxsiyyət vəsiqəsi ilə istənilən filiala yaxınlaşmaq və ya www.expressbank.az saytı vasitəsi ilə online sifariş etmək yetərlidir.

Qeyd edək ki, “Expressbank”ın plastik kartlarına sahib olmaq istəyən müştərilər Expresso kartlarını 5 AZN, Visa Electron / Maestro kartlarını 6 AZN, Visa Classic / MasterCard Standart kartlarını isə 8 AZN-ə əldə edə bilərlər. Həmçinin hesaba minimum 400 AZN/USD/EUR/GBP ilkin mədaxil etməklə Visa Gold / MasterCard Gold, 800 AZN/USD/EUR/GBP ilkin mədaxillə isə Visa Platinum / MasterCard Platinum kartlarını pulsuz sifariş etmək mümkündür.