Dollar, ABŞ-da Əmək Nazirliyi tərəfindən Cümə günü açıqlanan kənd təsərrüfatı xaric məşğulluq hesabatının proqnozdan aşağı qalmasından sonra mühüm valyutalar qarşısında dəyər itirib.

 
"Marja" xəbər verir ki, ABŞ Əmək Nazirliyi tərəfindən Cümə günü verilən məlumata görə, kənd təsərrüfatı xaric məşğulluq May ayında 138 min artım qeyd edərək, ekspertlərin 182 minlik proqnozundan çox aşağı qalıb.

Dolların 10 mühüm bazar pulu qarşısındakı dəyərini təqib edən Bloomberg Spot Dollar İndeksi, informasiyanın açıqlanmasının ardından istiqamətini aşağı çevirib. Göstərici indeks,16:46-da 0.40 faiz mənfidə 1196.45 bənd olub.
 

İnformasiyanın açıqlanmasının ardından Yen qarşısındakı iki günlük qazancını qaytaran Dollar, sərt düşüb. Dollar/yen məzənnəsi 0.63 faiz geriləyərək 110.68 səviyyəsindən əməliyyat görüb. Avro/dollar məzənnəsi 0.50 faiz qalxaraq 1.1280-dən alıcı tapıb (dollar düşüb, avro bahalaşıb).

Societe General-ın iqtisadçısı Omair Sharif, məşğulluq artımı bərpa olunmadığı təqdirdə Cümə günü açıqlanan məşğulluq göstəricisinin, Fed-in Sentyabr ayında qərarını çətinləşdirəcəyini bildirib.
 
 
Federal Açıq Bazar Komitəsinin (FOMC) növbəti faiz qərarı İyunun 14-də açıqlanacaq. Fedin İyunda faiz artıracağı gözlənilir.  

Türkiyədə fəaliyyat göstərən Azərbaycan kapitallı "Invest AZ" şirkətinin Baş direktoru Hakan Avdan  aşağı çıxan ABŞ məşğulluq göstəricisindən sonra Fed-in faiz artırmağı təxirə salacağını gözləmədiyini deyib.

 
"1 aylıq göstəricidə sapma ola, amma məşğulluq göstəriciləri yenə də yaxşıdır, iqtisadiyyat yoluna güclü olaraq davam edir kimi görünür. Göstəricinin proqnozdan aşağı qalması, mövsümi və ya digər səbəblərlə bağlı ola bilər. Bu göstəricinin Fed-in faiz artırmaq qərarını dəyişəcəyini düşünmürəm" - o deyib.

 
Avdan, İyunda faiz artırımı gözlədiyini və il sonunda daha bir faiz artırımı da ola biləcəyini ifadə edib.