Rusiyanın Azərbaycana yatırdığı sərmayələrin həcmi 4,5 milyard ABŞ dollarına, Azərbaycanın Rusiya Federasiyasına qoyduğu investisiyaların həcmi isə 1,5 milyard dollara çatıb.

Bunu Rusiyanın Baş nazirinin müavini Aleksey Overçuk ADA Universitetində keçirilən "İnteqrasiya prosesləri kontekstində Rusiya-Azərbaycan iqtisadi əlaqələrinin hazırkı vəziyyəti və perspektivləri" adlı konfransda deyib.

Onun sözlərinə görə, Rusiya və Azərbaycan qarşılıqlı fəaliyyət göstərə və birgə iqtisadi uğurlar əldə edə bilərlər.

"Bu gün Rusiya biznesi Azərbaycanda işləməkdə maraqlıdır. Ölkənin dəmir yollarının, bərpa olunan enerji mənbələrinin, yüksək texnologiyalı müəssisələrin yaradılması və inkişafı üçün yaxşı perspektivləri var", - deyə Overçuk bildirib.

Rusiya Baş nazirinin müavini onu da vurğulayıb ki, hazırda region Şimal-Cənub və Qərb-Şərq marşrutlarını əlaqələndirmək üçün imkanlar açır və bundan bütün Avrasiya İqtisadi Birliyi regionu faydalanacaq. O əlavə edib ki, hazırda Qazaxıstan sərhədlərindən Baltik limanlarına və Belarusa qədər yeni avtomobil yollarının tikintisi davam edir.

Azərbaycan Rusiyaya 1,2 mlrd. dollardan çox investisiya yatırıb

İndiyədək Rusiya iqtisadiyyatına yatırılmış Azərbaycan investisiyalarının həcmi 1,2 mlrd. ABŞ dollarını ötüb.

Bunu Azərbaycanın Baş nazirinin müavini Şahin Mustafayev ADA Universitetində keçirilən "İnteqrasiya prosesləri kontekstində Rusiya-Azərbaycan iqtisadi əlaqələrinin hazırkı vəziyyəti və perspektivləri" adlı konfransda deyib.

Onun sözlərinə görə, Rusiya isə ölkə iqtisadiyyatına 6 mlrd. dollardan çox investisiya yatırıb və hazırda Azərbaycanda qeydiyyata alınmış Rusiya kapitallı 1 110-a yaxın müəssisə mövcuddur.

Azərbaycan bu il Rusiyaya 450 milyon dollarlıq kənd təsərrüfatı məhsulları ixrac edib

Bu ilin on ayında Azərbaycan Rusiyaya 450 mln. dollarlıq kənd təsərrüfatı məhsulları ixrac edib.

Bunu Azərbaycanın Baş nazirinin müavini Şahin Mustafayev ADA Universitetində Azərbaycan-Rusiya iqtisadi münasibətlərinin perspektivlərinə həsr olunmuş tədbir zamanı deyib.

Onun sözlərinə görə, ixrac mallarına əsasən pomidor, alma və digər meyvə-tərəvəzlər daxil olub.

Bundan əlavə, Ş. Mustafayev bildirib ki, Azərbaycan sözügedən məhsulların ixra

Telegramda Marja.az səhifəsinə abunə olun

APA