Ən yuxarı (mobil)_30
Mobil manşet üstü reklam_21

Dövlət şirkəti 516 milyon manat zərər açıqaldı - yığılmış zərəri 2 milyard manatı keçib

"Azərbaycan Dəmir Yolları"nın yığılmış zərəri 2 milyard manatı keçib
iç səhifə xəbər başlığı altı (mobil)_31
Dövlət şirkəti 516 milyon manat zərər açıqaldı - yığılmış zərəri 2 milyard manatı keçib
iç səhifə xəbər şəkil altı-2 (mobil)_32

“Azərbaycan Dəmir Yolları” QSC 2020-ci ili 516 milyon 187 min manat xalis zərərlə başa vurub.

Qurumun maliyyə hesabatına görə, bu, 2019-cu ilə nisbətən 2,3 dəfə çoxdur.

Son nəticədə səhmdar cəmiyyətinin yığılmış zərəri 30,4% artaraq 2 milyard 212 milyon 434 min manat olub.

Ötən il ADY-nin əməliyyat gəlirləri 422 milyon 299 min manat (illik müqayisədə 4% çox), əməliyyat xərcləri 514 milyon 323 min manat (11,9 % çox), digər xərcləri 423 milyon 133 min manat (2,5 dəfə çox), mənfəət vergisi ödəmələri isə 1,03 milyon manat (3,7 dəfə az) təşkil edib.

Bu il yanvarın 1-nə ADY-nin aktivləri 5 milyard 145 milyon 529 min manat olub ki, bu da 1 il əvvələ nisbətən 5,95 % çoxdur. Bunun 4 milyard 503 milyon 787 min manatı qurumun əmlak, tikili və avadanlıqlarının dəyəridir. 2020-ci ildə bu rəqəm 9,1 % artıb.

Hesabat dövründə səhmdar cəmiyyətinin öhdəlikləri 0,6% artaraq 2 milyard 995 milyon 632 min manata, balans kapitalı isə 14,5% artaraq 2 milyard 149 milyon 97 min manata, o cümlədən nizamnamə kapitalı 12,4% artaraq 906 milyon 62 min manata çatıb.

Xatırladaq ki, ADY ölkə Prezidentinin 20 iyul 2009-cu il tarixli sərəncamı ilə yaradılıb. Nazirlər Kabinetinin 15 fevral 2010-cu il tarixli qərarı ilə qurumun nizamnaməsi və strukturu təsdiq edilib. Səhmdar cəmiyyəti 100 % dövlətə məxsusdur.

Telegramda Marja.az səhifəsinə abunə olun

"Report"

24.11.2021 12:19

Müştərilərin xəbərləri

Mobil Manşet alt reklam-2_22
Manşetin sağı-2_5
Xəbər mətn sağ 2-ci_16
Xəbər mətn sağ 3-cü_17
Xəbər mətn sağ -18_18