Avstriyanın “Voith Hydro” şirkəti Azərbaycanda yeni su elektrik stansiyası (SES) tikmək istəyir.

Bunu şirkətin regional satış meneceri Fatih Haskiliç bildirib.

O, bu barədə Sahibkarlar (İşəgötürənlər) Təşkilatları Milli Konfederasiyasının (ASK) dəstəyi ilə Bakıda keçirilən Azərbaycan və Avstriya sakibkarlarının B2B görüşündə danışıb.

“Bizim bu sahədə böyük təcrübəmiz var. Türkiyə, Gürcüstan və İranda SES-lər tikmişik. Hazırda Azərbaycanın işğaldan azad edilmiş ərazilərində də SES tikirik. Paralel olaraq yeni SES-lərin inşası üçün danışıqlar aparırıq. Müzakirələrin yekununda yeni stansiyaların yeri və gücü məlum olacaq”, - deyə F.Haskiliç qeyd edib.

Avstriyalı iş adamları Qarabağa səfər edəcək

Gələn ilin aprel-may aylarında Avstriyalı iş adamlarından ibarət nümayəndə heyəti Azərbaycanın işğaldan azad edilmiş ərazilərinə səfər edəcək.

Bunu Avstriyanın İqtisadiyyat Palatasının Azərbaycan, Gürcüstan və Türkiyə üzrə bürosunun rəhbəri Georq Karabazçek deyib.

O, bu barədə Sahibkarlar (İşəgötürənlər) Təşkilatları Milli Konfederasiyasının (ASK) dəstəyi ilə Bakıda keçirilən Azərbaycan və Avstriya sakibkarlarının B2B görüşündə danışıb.

G.Karabazçekin sözlərinə görə, Avstriya şirkətləri Qarabağda həyata keçirilən layihələrdə iştirak etməkdə maraqldıır: “Layihələri nəzərdən keçirəcəyik və uyğun olanlara qoşulmağı düşünürük”.

Azərbaycandakı Avstriya şirkətlərinin sayı arta bilər

Bu il Avstriyanın 100 şirkəti Azərbaycanda biznes qurmaq, yerli şirkətlərlə əməkdaşlıq etmək üçün məsləhət almaq məqsədi ilə Avstriyanın İqtisadiyyat Palatasına müraciət edib.

Bunu Palatanın Azərbaycan, Gürcüstan və Türkiyə üzrə bürosunun rəhbərinin müavini Eva Vaythaler bildirib.

O, bu barədə Sahibkarlar (İşəgötürənlər) Təşkilatları Milli Konfederasiyasının (ASK) dəstəyi ilə Bakıda keçirilən Azərbaycan və Avstriya sakibkarlarının B2B görüşündə danışıb.

E.Vaythaler əlavə edib ki, hazırda 15 Avstriya şirkəti Azərbaycanda fəaliyyət göstərir. Onlar əsasən ölkəyə əczaçılıq məhsullarının və spirtsiz içkilərin idxalı ilə məşğuldur.

Telegramda Marja.az səhifəsinə abunə olun

“Report”