Ərdoğan faizdən danışdı, Türk Lirəsi daha da ucuzlaşdı

Rəhbərlik etdiyi Partiyanın (AK Parti) Qrup yığıncağında çıxış etmiş Türkiyə Prezidenti Rəcəb Tayyib Ərdoğan, "milləti faizə əzdirməyəcəyik. Faiz bəlasını millətin kürəyindən qaldıracağıq" deyib.

Ərdoğan faizdən danışdı, Türk Lirəsi daha da ucuzlaşdı

Türkiyə Prezidenti Rəcəb Tayyib Ərdoğan Partiyasının Qrup yığıncağında iqtisadiyyata dair açıqlamalar verirb.

Marja xəbər verir ki, Ərdoğan inkişaf etmiş ölkələrin böyük iqtisadi böhranının astanasında olduğunu, bunun ardınca ictimai və siyasi böhranların da yaranacağını bildirib. Ərdoğan, "Biz güclü infrastrukturumuz, istehsalımız və məşğulluğumuzla yaxşı bir yerdə dayanırıq" deyib.

Faizin səbəb, inflyasiyanın nəticə olduğu ifadəsini təkrarlayan Ərdoğan "biz faiz bəlasını bu millətin kürəyindən qaldıracağıq" deyib.

Ərdoğan sözlərini belə davam etdirib: "Millətimizi faizin altında əzilməsinə imkan verməyəcəyik. Bunun başqa çıxışı ola bilməz. Faizi müdafiə edənlər qüsura baxmasınlar, mən faizi müdafiə edənlə birlikdə ola bilmərəm. Bu vəzifədə olduğum müddətdə faizlə mübarizəmi davam etdirəcəyəm.

Dünyaya baxaq, ABŞ-a, Qərbə, İsrailə baxın. Bütün bunlarda faizlər aşağı salınıb, bizim yoldaşlarımıza nə olur ki, faizi müdafiə edirlər?!

TÜSİAD və s. bir araya gəlib yüksək faizdən bəhs edirlər. Əgər sən sərmayə tərəfdarısansa, buyurun sizə aşağı faizlə kredit. O zaman qaçırlar."

18 Noyabr 2021-ci il tarixində Türkiyə Mərkəzi Bankının növbəti iclası keçiriləcək. Türkiyədə illlik inflyasiyanın 20%-ə yaxın olmasına baxmayaraq Mərkəzi Bankın Ərdoğanın təzyiqi ilə faizini daha da aşağı salacağı gözlənilir. Ərdoğanın bugünkü çıxışı Mərkəzi Bankın faiz endirimi edəcəyi ehtimalını daha da gücləndirib. Bununla əlaqədar olaraq Türk Lirəsi dəyərdən düşür. Ərdoğanın çıxışından sonra Dollar/TL məzənnəsi 10,56 səviyyəsini keçib.

17.11.2021 14:09

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az