InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Foreks bazarlarında EUR/USD məzənnəsi son bir həftədir 1.12$ ətrafında ticarət olunmaqdadı. Lakin qiymət yenidən 1.1270$-a kimi bahalaşarsa, 1.1373$ və 1.1410$-a kimi də bahalaşa bilər.

Bununla yanaşı yerli vaxtla bu həftənin çərşənbə günü saat 13:00-da Avrozonanın inflyasiya və cümə günü saat 16:30-da Amerikanın əmək bazarı ilə bağlı önəmli statistik məlumatlar açıqlanacaqdır. Məlumatların məzənnəyə güclü təsir edə biləcəyi gözlənilir.

GBP

GBP/USD valyuta cütlüyünün qiyməti isə keçən həftə 1.2774$-a kimi ucuzlaşdıqdan sonra cari həftənin başlaması ilə bahalaşmağa başlayıb. Artıq 1.2825$-a kimi bahalaşan qiymət, 1.2800$-ın üzərində qaldıqca, 1.2878$ və 1.2910$-a kimi də bahalaşa bilər.

TRY

Türkiyə maliyyə bazarlarında da türk lirəsi bahalaşmağa başlayıb. Qiymətin texniki mənzərəsi üzrə təhlillər, qiymətin 3.57TL-nin üzərində möhkəmlənməsi fonunda 3.53TL-ə kimi də bahalaşa biləcəyini proqnozlaşdırmağa əsas verir. Eyni zamanda bu həftənin çərşənbə günü saat 11:00-da və cümə axşamı saat 13:00-da açıqlanacaq Türkiyənin xarici ticarət dövriyyəsi ilə bağlı statistik məlumatlar da investorların diqqət mərkəzində olacaqdır.

OIL

Enerji bazarlarında Avropanın Brent markalı neftinin bir barel qiyməti də 52$-a kimi bahalaşıb və bu səviyyənin üzərində qaldıqca, 55$-a kimi də bahalaşa biləcəyi proqnozlaşdırılır. Enerji bazarları iştirakçılarının, neft ölkələrinin hasilata limitin tətbiq etmələri, qiymətlərin daha da bahalaşa biləcəyinə səbəb ola bilər.

GOLD

Dünya birjalarında dolların ucuzlaşması və müşahidə edilən geosiyasi qeyri-müəyyənliklər əlvan metallar bazarında qızıla olan tələbin də yüksək olmasına səbəb olur. Beləliklə, 1269$-a (40.7 $/qram) kimi bahalaşan qızılın bir unsiya üzrə qiyməti gələcək günlər ərzində 1277$-a (41.0 $/qram) kimi də bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.