Dollar/Türk Lirəsi (TL) məzənnəsi, inflyasiyanın yüksəldiyi bir dövrdə faiz endirimlərinə başlayan Türkiyə Cühuriyyəti Mərkəzi Bankının (TCMB) bu həftə də endirimlərə davam edə biləcəyi narahatlığı ilə 9.37-yə qədər yüksələrək yeni tarixi yüksək səviyyələrdə əməliyyat olunur.

Marja xəbər verir ki, Dollar/TL məzənnəsi 9,3747-ni görüb.

Dollar/TL məzənnəsinin gedişatında həlledici rol oynaya biləcək faiz qərarı 21 Oktyabr 2021-ci il tarixində Türkiyə Mərkəzi Bankı tərəfindən açıqlanacaq.

Türk Lirəsinin ucuzlaşmasının əsas səbəblərindən biri Türkiyə Mərkəzi Bankının ötən ay faiz endirimi etməsi və bu həftə də endirimlərə davam edə biləcəyi narahatlığıdır. İndi Türkiyə Cümhuriyyəti Mərkəzi Bankının 21 Oktyabrda açıqlayacağı faiz qərarı səbirsizliklə gözlənilir. Sorğuya görə, bazar Mərkəzi Bankdan 0,50 bənd faiz endirimi gözləyir.

Bloomberg-in 17 qurum arasında keçirdiyi sorğuya görə, Mərkəzi Bank əsas faiz dərəcəsini 0,50 bənd azaldaraq 18%-dən 17,50% səviyyəsinə salacaqdır. 

İştirakçılar Noyabr ayında da faiz endiriminin davam edəcəyini gözləyirlər.

Sorğuya görə, 2021-ci ilin sonunda TCMB-nin faizi 16,50% olacaqdır.

Analitiklər, Türkiyə Mərkəzi Bankının faizini azaltması ilə Türk Lirəsinin daha da ucuzlaşacağını, məzənnənin 9,50 səviyyəsini də aşacağını gözləyirlər. 

Fransanın sərmayə bankı "Societe Generale", TCMB-nin bu həftə faizi 1,00 bənd endirə biləcəyini və dollar/TL-nin il sonunda 9,80 ola biləcəyini təxmin edir.

Xatırladaq ki, 23 Sentyabrda Türkiyə Cümhuriyyəti Mərkəzi Bankı (TCMB) pul siyasəti faizini 1.00 bənd aşağı salaraq 19%-dən 18%-ə endirib. Bazar faizin sabit saxlanılacağını gözləyirdilər. Bundan sonra türk Lirəsinin ucuzlaşması sürətlənib.

Hazırda Türkiyənin Suruyada yeni bir əməliyyata başlağacağı ehtimalı, qlobal bazarlarda dolların, neftin bahalaşması və inflyasiyanın artması da Türk Lirəsinin ucuzlaşmasına səbəb olur.