(®️) “MKT İstehsalat Kommersiya” MMC pambıqçılıq sektorunda xarici təcrübələrin öyrənilməsi və ölkəmizdə tətbiqi üçün Yunanıstanın “Bios Agros Systems” şirkətinə növbəti işgüzar səfərini həyata keçirib.

Qeyd edək ki, Yunanıstan Avropa Birliyi ölkələri arasında ən böyük pambıq istehsalçısıdır. Ölkədə ortalama olaraq 250 min hektar pambıq əkilməkdədir. Həmçinin ortalama 60% əkin sahələrində damcı suvarma sistemindən istifadə edilir və hektar üçün orta məhsuldarlıq 35 sentiner təşkil edir.

“Bios Agros Systems” Yunanıstanda pambıq toxumu istehsal edən ən böyük iki şirkətdən biridir. Şirkətin toxum istehsalından başka lifsizləşdirmə, kənd təsərrüfatı təyinatlı kimyəvi məhsulların satışı və bu kimi bir çox kənd təsərrüfatı sektoruna aid xidmətləri mövcuddur.

“MKT İstehsalat Kommersiya” MMC-nin işçi heyəti “Bios Agros Systems” şirkətində bir çox yeni təcrübələrlə tanış olmuşdur. Belə ki, “Bios Agros Systems” şirkətinə səfər zaman şirkətin fermerlərlə olan iş təcrübəsi, müxtəlif yeni toxum növləri və bu toxum növlərinin verdiyi nəticələrə tanışlıq həyata keçirilmişdir. Yeni toxum növləri və nəticələri ilə olan tanışlıq Azərbaycanda şirkətin əldə etdiyi nəticələrlə müqayisə və inkişaf addımlarının müəyyən edilməsi üçün faydalılıq təşkil edir. Həmçinin şirkət damcı suvarma sahəsində olan təcrübələrini də “MKT İstehsalat Kommersiya” MMC-nin işçi heyəti ilə bölüşmüş, toxum lifsizləşdirmə xəttinin işləmə prosesi haqqında vacib məlumatları təqdim etmişdir.

“MKT İstehsalat Kommersiya” MMC istehsal həcmini və keyfiyyətini daima artırmağa davam edir. Bu uğurun səbəbi mütəmadi olaraq yeni təcrübələr qazanmaq və mövcud prosesləri inkişaf etdirməkdən keçir. Uzun müddətli inkişaf tempinin sürətinin qorunub saxlanması və daha da artırılması üçün şirkət işgüzar səfərlərə davam edəcəyini və Azərbaycan iqtisadiyyatına töhfə verməyə daima davam edəcəyini bildirmişdir.

“MKT İstehsalat Kommersiya” MMC Azərbaycan iqtisadiyyatının qeyri-neft sektorunda 25 illik iş təcrübəsinə malikdir. Şirkətin fəaliyyətinin əsas istiqaməti ölkənin 20 pambıqçılıq rayonundan 15-ində pambığın yetişdirilməsi, tədarükü və daha sonra pambıqtəmizləmə müəssisələrində emalından ibarətdir.

2019-2020 mövsümündə şirkət 45 000 Ha sahədən rekord göstərici olan 35.6 sentner/ha xam pambıq istehsal etmişdir.

Cari ilin Yanvar-May ayları üzrə hazırlanan qeyri-dövlət ixracatçı subyektlərin reytinqində birinci yerdə qərarlaşmışdır. Hal-Hazırda müəssisədə işçi sayısı 3200 nəfərdir və regionlarda 23 filialı fəaliyyət göstərməkdədir.