"Risklərin siyahısına donvurma və adi xəstəliklər də əlavə ediləcək" - AQRAR SIĞORTA FONDU

"Risklərin siyahısına donvurma və adi xəstəliklər də əlavə ediləcək" - AQRAR SIĞORTA FONDU

"Risklərin siyahısına donvurma və adi xəstəliklər də əlavə ediləcək" - AQRAR SIĞORTA FONDU

"2021-ci ilin oktyabr-noyabr aylarında aqrar sığorta üzrə sığorta risklərinin siyahısı genişlənəcək. Bununla bağlı layihə artıq Nazirlər Kabinetindədir.

Bu sözləri açıqlamasında Aqrar Sığorta Fondunun idarə heyətinin sədri Fuad Sadıqov deyib.

VTB-də minimal faiz dərəcəsi ilə nağd kredit 10.49%-dən

F.Sadıqov siyahıya əlavə ediləcək risklərdən bir neçəsinin adını sadalayıb:

"Artıq risklərin siyahısına dolu, qasırğa, zəlzələ, torpaq sürüşməsi kimi risklərlə yanaşı donvurma riskini əlavə edirik. Donvurma meyvə istehsalçılarımızın ən qorxduğu məsələdir. Risklərin əhatə dairəsinin genişləndirilməsi məsələsi bir aya Baş nazir tərəfindən təsdiqlənəcək. Düşünürük ki, oktyabr ayında risklərlə bağlı yeni siyahı təqdim edəcəyik. Yəqin ki, 2025-2026-cı illərdə bu siyahıya quraqlıq riskinin də əlavə edilməsini düşünəcəyik ki, dəmyə ərazilərə də təminat verək.

Bizim risk və predmetlər barədə bütün qərarlarımız Baş nazir tərəfindən təsdiqlənir. Qərarlarımız dövlət qurumları ilə razılaşdırılır. Dediyimiz layihə artıq bütün razılaşdırmalardan keçib və Nazirlər Kabinetində imzadadır. Son razılaşdırma əldə olunduqdan sonra biz həmin siyahını təsdiqləyəcəyik".

Həmçinin oxu

Aqrar sığorta predmeti olan heyvanların yaş kateqoriyası dəyişdiriləcək

Onun sözlərinə görə, genişləndirilmiş siyahıya heyvandarlıq sahəsi üzrə risklər də əlavə edilib.

"Biz heyvanlarda da bu yanaşmanı tətbiq edirik ki, risklərin əhatəsi genişlənsin. Artıq risk siyahısına yoluxucu xəstəliklərlə bağlı adi xəstəlikləri də salacağıq. Bununla yanaşı damazlıq funksiyasının itirilməsi təminatını salacağıq. Məsələn, heyvan hər hansı xəstəlik nəticəsində damazlıq funksiyasını itirib və bala verə bilmir. Bu zaman fermer onu məcburi kəsimə yollayacaq. Tutalım, heyvanın qiyməti 5 min manatdır və fermer onu məcburi kəsimə göndərib 3 min manat götürəcək. Bu zaman biz də ona 2 min manat ödəyəcəyik ki, yeni heyvan gətirsin və istehsalın davamlılığı təmin olunsun", - deyə F.Sadıqov bildirib.

Telegramda Marja.az səhifəsinə abunə olun

16.09.2021 14:18

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az