(®) Yeni iş ilinin başlamasını hamı gözləyir. Pandemiya səbəbindən keçən il heç istirahət edə bilməyən şirkət sahibləri bu il az da olsa yayın kefini çıxara biliblər. İndi də enerji dolu öz bizneslərinin idarəsinə geri dönüblər.

Bəs şirkət sahibi yeni iş ilinə necə başlamalıdır?

Şirkətin fəaliyyət növləri fərqli olsa da, pandemiya onu göstərdi ki, bütün bizneslər fövqaladə vəziyyətə tam hazır olmalıdır. Belə ki, işlərini rahat şəkildə rəqəmsallaşdıra bilən şirkətlər pandemiya dövründən müsbət nəticələrlə çıxa bildilər.

Demək ki, bu ildən bütün şirkətlərin bir nömrəli prioriteti biznes proseslərini tam şəkildə rəqəmsallaşdırmağa çalışmaqdır.

Biznesin rəqəmsallaşdırılması nədir?

Bu proses bütün aparılan və görülən şirkətdaxili işlərin rəqəmsal sistemdə əks olunmasıdır.

Tutaq ki, şirkət rəhbəri işçilərlə görüş keçirir və hər bir işçiyə ayrı-ayrı tapşırıqlar verir. Və ya şirkətə təchizatçılardan yeni mal/material/məhsul daxil olur. Bütün bunlar, cavabdeh şəxslər və işin görülməsi üçün nəzərdə tutulan son tarixlər (deadline-lar) sistemdə əks etdirilməlidir. Bu şirkət sahibinə ümumi vəziyyət, habelə işlərin statusu barədə məlumatı tam şəkildə göstərə biləcək, işləri daha effektiv idarə etmək üçün imkan yaradacaqdır.

İşçiləri bu prosesə necə hazırlamaq olar?

İstənilən yenidənqurma işləri adətən işçilər tərəfindən çətinliklə qarşılanır. Bu da öz növbəsində yeni sistemin komandada çətin adaptasiyasına gətirir. Bu halın baş verməməsi üçün tətbiq edilən sistem maksimal dərəcədə rahat və sadə interfeysli olmalıdır. Bundan əlavə, kadrların ümumi effektivliyi sistemdə aydın şəkildə görüldüyü səbəbilə işçilər üçün bonus sistemini də tətbiq etmək mümkündür. Bu da hər bir kadrın iş effektivliyini və motivasiyasını artırmaq üçün vacib amillərdən biridir.

Bu sistemi necə qurmaq olar?

Biznesin rəqəmsallaşdırılması prosesi xüsusi ekspert şirkətləri tərəfindən reallaşdırılır. Burada texnoloji həlldən əlavə, biznes prosesini fərdi qaydada dərindən başa düşmək də çox vacibdir. Əslində dünya üzrə bu cür xidmət göstərən şirkətlərin sayı çoxdur, lakin yerli biznesin məlumatlarını xarici şirkətlərə etibar etmək riskli olduğu üçün əksər iş adamlarımız belə biznes üçün həlli Azərbaycan bazarında axtarır.

Yerli şirkətlərdən bütün qeyd edilənləri peşəkar reallaşdıra biləcək Cubics Technology şirkəti vardır. Bu şirkətin Cubics BMS həlli istənilən şirkətin fəaliyyətini rəqəmsallaşdırmaq üçün uyğun gəlir.