Türkiyədə inflyasiya Mərkəzi Bankın faizini aşdı

Türkiyədə inflyasiya Mərkəzi Bankın faizini aşdı

Türkiyədə inflyasiya Mərkəzi Bankın faizini aşdı

Türkiyə Statistika Komitəsi (TÜİK) Avqust ayına dair inflyasiya məlumatlarını açıqlayıb.

Marja xəbər verir ki, avqust ayında inflyasiya Mərkəzi Bankın 19% olan pul siyasət faizini keçib. Avqustda Türkiyədə istehlakçı qiymətləri indeksi (inflyasiya göstəricisi) ötən ilin eyni dövrü ilə müqayisədə 19,25% artıb.

VTB-də yüksək depozit faizləri daha çox qazandırır

Aylıq müqayisədə baxıldığında, İyul ayı ilə müqayisədə Avqust ayında istehlakçı qiymətlərində artım 1,12% təşkil edib.

İqtisadçıların proqnozu qiymətlərdə aylıq artımın 0,7%, illik artımın isə 18,7% olacağı istiqamətində idi.

İyulda 17,22% olan illik baza inflyasiya 16,76%-ə geriləyib.

QİDA İNFLYASİYASI 28 AYIN ƏN YÜKSƏK SƏVİYYƏSİNDƏ

İstehlakçı qiymətlərində qida inflyasiyasındakı sürətli yüksəliş diqqət çəkir. Avqustda qida qiymətləri ötən ilin eyni ayı ilə müqayisədə 29% artıb. Beləliklə, illik qida inflyasiyasında 2019-cu ilin Aprel ayından bu yana ən yüksək artım baş verib. Qiymətlər ev əşyaları qrupunda 22,91% və nəqliyyatda 21,76% artıb.

Türkiyədə inflyasiyanın 19%-i aşması ilə, Mərkəzi Bankın faizi ilə inflyasiya fərqi mənfi zonaya keçib.

Məlumatdan sonra Dollar/Türk Lirəsi məzənnəsi 0,5% artaraq 8,31 səviyyələrinə yüksəlib (Bakı vaxtı ilə saat 11:20-yə olan məlumat).

Bundan sonra Türkiyə Mərkəzi Bankının (TCMB) faiz məsələsində nə edəcəyi daha önəmli olur. İnflyasiya artdığından Mərkəzi Bank faiz artırmaq təzyiqi ilə qarşı-qarşıyadır. Lakin Türkiyə Prezidenti Rəcəb Tayyib Ərdoğan faizin artırılmasına qarşı çıxır. Ərdoğanana görə, yüksək inflyasiyanın səbəbi Mərkəzi Bankın yüksək faizdir, əgər faiz endirimi edilsə inflyasiya da aşağı düşəcəkdir. Bazar isə ənənəvi yola inanır: Mərkəzi Bankın faiz artırması inflyasiyanın düşməsinə səbəb olur.

Əgər Mərkəzi Bank Ərdoğanın nəzəriyyəsinə üstünlük verib faiz endirimi edərsə bunun Türkiyə aktivlərinə və Türk Lirəsinə mənfi təsirləri olacağı bildirlir.

03.09.2021 11:08

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az