“AZBADAM” ağıllı idarəetmə sistemlərinin tətbiqinə başlayıb - FOTOLAR

“AZBADAM” ağıllı idarəetmə sistemlərinin tətbiqinə başlayıb - FOTOLAR

Şirkət bu sistemlər vasitəsilə bağlarında badam yetişdirilməsi üçün zəruri olan məlumatların təhlilini apara bilir

“AZBADAM” ağıllı idarəetmə sistemlərinin tətbiqinə başlayıb - FOTOLAR

Bitki yetişdirilməsi dövründə nəzarətin həyata keçirilməsi və yetişmə mərhələləri zamanı müvafiq tədbirlərin görülməsi kənd təsərrüfatında səmərəli idarəetmənin ən vacib aspektlərindən biri hesab edilir.

Kənd təsərrüfatı haqlı olaraq ən çox resurs və əmək tələb edən sahələrdən biri hesab olunur. Düzgün nəzarət tədbirlərinin görülməsi və təhlilin aparılması məhsuldarlığa böyük ölçüdə təsir etməklə yanaşı həm vaxt, vəsait, resurs və işçi qüvvəsi baxımından optimal həllə gətirib çıxarır.

“AZMADE Group” MMC şirkətlər qrupuna daxil olan və kənd təsərrüfatında optimallaşdırmanı təşviq edən innovativ texnologiyaların tətbiqini əsas məqsədlərindən biri kimi hədəf seçən “AZBADAM” MMC Abşeron yarımadasında ilk dəfə olaraq “bitki yetişdirilməsinə nəzarət edən” ağıllı sistemlərin komplekt şəkildə tətbiqini həyata keçirməyə başlayıb.

Bu sistemlər vasitəsilə şirkətin bağlarında badam yetişdirilməsi üçün zəruri olan – suvarma, torpağın müxtəlif qatlarında nəmişlik, temperatur, elektrik keçiriciliyi, bitkinin aktiv kök zonasının cari durumu, zərərvericilər və xəstəliklərlə bağlı dinamika və o cümlədən, quraşdırılmış hava stansiyası vasitəsilə buxarlanma dərəcəsi, küləyin gücü, sürəti, istiqaməti, şeh dərəcəsi, yağıntıların miqdarı və digər məlumatların təhlili aparıla bilir. Aparılan təhlillər əsasında suvarma və gübrələmə proqramları tərtib edilir, zərərvericilərin inkişafı və yayılması üçün münbit hesab edilən təbii şərait barədə xüsusi təchiz edilmiş idarəetmə platforması vasitəsilə aqronomlarımız məlumatlandırılaraq vaxtında önləyici addımlar ata bilirlər.

06.09.2021 09:24

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az