Avro dəyər qazanır, neft və qızıl bahalaşır - Maliyyə bazarlarında son vəziyyət

Avro dəyər qazanır, neft və qızıl bahalaşır - Maliyyə bazarlarında son vəziyyət

Avro dəyər qazanır, neft və qızıl bahalaşır - Maliyyə bazarlarında son vəziyyət

EUR

Amerika iqtisadiyyatında yeni korona dalğası fonunda narahatlıqların artdığı bir vaxtda, FED-in bu il yumşaq monetar siyasətindən uzaqlaşması siyasəti dolların da ucuzlaşmasına səbəb olur. Beləliklə, avro dəyər qazanır və bu, 1.19$-a kimi davam edə bilər.

VTB-də minimal faiz dərəcəsi ilə nağd kredit 10.49%-dən

Bununla yanaşı, çərşənbə axşamı Bakı vaxtı ilə saat 13:00-da Avrozonadan inflyasiya, çərşənbə günü saat 18:00-da ABŞ-dan sənayesi və cümə günü saat 16:30-da əmək bazarı ilə bağlı dərc ediləcək önəmli fundamental göstəricilər də investorların diqqət mərkəzindədir.

GBP

GBP/USD məzənnəsində də başlayan yeni bahalaşma dalğasının 1.39$-a kimi davam edəcəyi proqnozlaşdırılır.

Enerji birjalarında neft qiymətlərinın 6 ilin maksimumuna yaxın ticarət edilməsi də funta dəstək verən amillərdəndir.

TRY

Türkiyə iqtisadiyyatının ikinci rüb üzrə inkişaf proqnozların yüksəlməsi, lirənin də bahalaşmasına səbəb olur və USDTRY məzənnəsi 8.19TL-yə kimi düşə bilər. Böyüməyə dair göstəricilər çərşənbə günü saat 11:00-da yayımlanacaq. Cümə günü isə infıyasiya səviyyəsi dərc ediləcəkdir.

OIL

Enerji birjalarında demək olar ki, son altı ilin maksimumlarında ticarət edilən Brent neftinin bir barel qiyməti 74$-ın qırılması ilə 78$-a kimi də dəyər qazana bilər.

Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.

GOLD

Foreks bazarlarında dolların ucuzlaşması, qızılın da dəstək görməsinə səbəb olur. Təhlillərə əsasən, trend 1858$-a (59.7 $/qram) kimi davam edə bilər.

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.

30.08.2021 09:32