Fed sədri: İstiqraz alışlarını azaltmağa bu il başlamaq uyğun ola bilər

Fed sədri: İstiqraz alışlarını azaltmağa bu il başlamaq uyğun ola bilər

Fed sədri: İstiqraz alışlarını azaltmağa bu il başlamaq uyğun ola bilər

ABŞ Mərkəzi Bankının (Fed) sədri Cerom Pauel (Jerome Powell), "Jackson Hole" İqtisadi Siyasəti Simpoziumunda etdiyi çıxışında, "Qiymətli kağız alışlarını (istiqraz alışı ilə pul emissiyası - red) azaltmağa bu il başlamaq uyğun ola bilər. İstiqraz alışlarında azalma faizin də dərhal artırılacağının siqnalı deyil", - deyib.

Pandemiyadan bərpa sürətinin gözləntiləri aşdığını qeyd edən Cerom Pauel, "Pandemiyadan sonra bərpa bərabər olmadı. Dayanıqlı istehlak mallarında təklifin üstündə artan tələb inflyasiyanı yüksəltdi" şəklində danışıb.

VTB-də minimal faiz dərəcəsi ilə nağd kredit 9.9%-dən

Koronavirusun Delta variantının risk meydana gətirdiyini, ancaq hədəfə irəlilədiklərini qeyd edən Pauel, 'İnflyasiyanın müvəqqəti olduğunu görə bilirik. Yüksək inflyasiya problem olsa Fed reaksiya verər. 2%-lik inflyasiya hədəfinə çatdığımızı zaman göstərəcək. Keçən il etdiyimiz dəyişikliklər bizə asanlıq təmin etdi. İqtisadi bərpa ilə istiqraz alışlarını azaltmağı çox Fed üzv dəstəkləyir" ,- deyib.

Fed Sədri Cerom Pauellin istiqraz alışını azaltmağa bu il başlamağın uyğun ola biləcəyi açıqlaması bazarlarda əks olunub.

ABŞ-da S&P 500 indeksi 0.7% artımla 4505.16 bənd ilə rekord qırıb. Dow Jones 0.6%, Nasdaq 0.9% yüksəlib. Avropa indeksi Stoxx Europe 600 də yüksəlib.

10 illik ABŞ istiqrazının faizi, Fed sədrinin qiymətli kağız alışının azaldılmasından sonra dərhal faiz artırımı olmayacağını ifadə etməsilə yüngül geriləyib.

Dollar indeksi gün içi ən aşağı səviyyəyə enib. Dollar indeksindəki zəifləmənin təsirilə Avro/Dollar məzənnəsi ilk reaksiya olaraq 0.6% artımla 1.18-ə yüksəlib.

Qızılın unsiyasının qiyməti Fed sədrinin çıxışından sonra yüksəlib və 1808 dolları aşıb.

İnkişaf edən ölkə pul vahidləri də dollar qarşısında dəyər qazanıblar.

27.08.2021 18:45