Ən yuxarı statik reklam_3
Ən yuxarı (mobil)_30
Mobil manşet üstü reklam-3-ABB_21

Azərbaycanda 2 yeni sitrus bitkisi becəriləcək

Laym və berqamot bitkilərinin Azərbaycanda tətbiqi planlaşdırılır
iç səhifə xəbər başlığı altı (mobil)_31
Azərbaycanda 2 yeni sitrus bitkisi becəriləcək

AMEA Lənkəran Regional Elmi Mərkəzində (REM) ənənəvi sitrus sortları ilə yanaşı, region üçün yeni olan sitrus meyvələrinin də yerli mühitə uyğunlaşdırılması və daha məhsuldar sortlarının yaradılması ilə bağlı mühüm işlər görülür.

Hazırda Lənkəran Regional Elmi Mərkəzinin “Sitrus kolleksiya bağı”nda Yaponiya, İran, Türkiyə və Rusiyanın Krasnodar vilayətindən gətirilən 12 növ limon, 7 naringi, 4 portağal, 4 qreypfrut və 3 quayava sort formaları daxil olmaqla 30 növ sitrus bitkisi üzərində elmi-tədqiqat işləri aparılır. Bu yaxınlarda daha 2 yeni sitrus bitkisi üzərində elmi-tədqiqat işlərinə başlanılıb.

AMEA Lənkəran Regional Elmi Mərkəzinin direktoru, professor Fərman Quliyev yeni növ sortlar barədə məlumat verib: “Yeni sitrus bitkilərindən ölkə iqlimi şəraitində yetişdirilməyən 2 növünü (laym və berqamot) əldə etmişik. Əldə olunan laym və berqamot bitkiləri artıq bar verib. Məhsulların keyfiyyətini, soyuğa, xəstəliyə və ziyanvericilərə qarşı davamlılığını öyrəndikdən sonra onların Azərbaycanda tətbiqini planlaşdırırıq”.

Professor Fərman Quliyevin sözlərinə görə, Mərkəz tərəfindən əldə olunan berqamot “kastanyaro” bitkisidir. Azərbaycanda bu günədək becərilməyən bu bitki bol məhsul verməsi ilə seçilir. O, əlavə edib ki, limondan fərqli olaraq, laym bitkisi ildə bir dəfə deyil, bütün ilboyu bar verir. Dadına görə daha turş olan bu meyvədən istər qida kimi, istərsə də təbabətdə daha geniş istifadə olunur.

Mərkəz direktoru gələcəkdə ölkəmizdə olmayan digər sitrus bitkilərinin də sort formalarının əldə olunaraq yerli şəraitə uyğunluğunun öyrəniləcəyini bildirib.

Laym berqamot
17.08.2021 17:54

Müştərilərin xəbərləri

Mobil-manshet-alt3_22
Mobil əsas səhifə 4-cü_27
Mobil əsas səhifə 5-ci_28
Mobil əsas səhifə 6-ci-2_29
Manşetin sağı-2_5
Esas-sehifede-reklam-3_8
Ana-sehifede-2-reklam-3_9
Əsas səhifədə 3-cü reklam_10
Xəbər mətn sağ 1-ci-2_15
Xəbər mətn sağ 2-ci_16
Xəbər mətn sağ 3-cü-2_17
Xəbər mətn sağ -18_18
InvestAZ