Bu gün Türkiyə Mərkəzi Bankı (TCMB) faiz qərarını açıqlayacaq. Əksər bazar iştirakçıları Türkiyə Mərkəzi Bankının pul siyasəti faizini 19%-də dəyişməz saxlayacağını gözləyirlər.

Marja xəbər verir ki, TCMB-nin bugünkü iclası çox həlledicidir. Çünki bir müddət əvvəl Türkiyə Prezidenti Rəcəb Tayyib Ərdoğan Mərkəzi Bankın avqust ayından etibarən faiz azaltmağa başlayacağını və nəticədə də inflyasiyanın düşəcəyini bildirib. TCMB-nin ölkə Prezidentinin göstəişi ilə qərar qəbul edib - etməyəcəyi maraq mövzusudur.

Bazarlar Türkiyə Mərkəzi Bankının faiz qərarına fokuslanıblar, xarici təşkilatlar da fərqli ssenarilər irəli sürürlər.

İsveçrə bankı və maliyyə xidmətləri şirkəti "Credit Suisse"ın iqtisadçıları Türkiyə Mərkəzi Bankının (TCMB) Avqust yığıncağında faizi endirməsi ya da faiz endirimi üçün Sentyabra işarə etməsi vəziyyətində qısa müddətdə ABŞ dolları/TL (Türk Lirəsi) məzənnəsinin 8,80-i test edə biləcəyini nəzərdə tuturlar.

"Credit Suisse"ın analitikləri hazırladıqları dollar/TL analizində qısa müddətdə məzənnənin 8,30 səviyyələrinə doğru düşməsinin mümkün görünmədiyini qeyd ediblər.

Telegramda Marja.az səhifəsinə abunə olun

Analitiklər qarşıdakı günlərdə dollar/TL məzənnəsinin 8,45-8,50 səviyyəsinə geriləyə biləcəyini, ancaq TCMB-nin Avqust yığıncağında pul siyasəti faizini endirməsi ya da bazarlarda Sentyabr ayında bir faiz endirimi gözləntisi yaradacaq işarələr verməsi vəziyyətində, məzənnədə iyun ayında görülən bütün zamanların ən yüksək səviyyəsi olan 8,80-lərə çıxa biləcəyini proqnozlaşdırırlar.

"Credit Suisse" analitikləri 3-cü rübün sonu üçün dollar/TL üzrə 9,10 olan proqnozunu dəyişdirməyiblər. 

Almaniya bankı Deutsche Bank TCMB-nin Noyabr ayında faiz endiriminə başlayacağını gözləyir. Banka görə, TCMB bu il Noyabr və Dekabrda olmaqla faizini 1 bənd endirərək 19%-dən 18%-ə azaldacaq.

BAZAR FAİZİN DƏYİŞDİRİLMƏYƏCƏYİNİ GÖZLƏYİR

Bloomberg-in 23 təşkilatla apardı sorğuya görə, TCMB Avqust yığıncağında hər hansı bir dəyişikliyə getməyərək; pul siyasəti faizini 19% səviyyəsində sabit saxlayacaq. İl sonunda isə faizin 18%-ə düşəcəyi proqnozlaşdırılır.

ƏRDOĞAN MƏRKƏZİ BANKIN AVQUSTDA FAİZ AZALDACAĞINA İŞARƏ ETMİŞDİ

Türkiyə Prezidenti Rəcəb Tayyib Ərdoğan, avqust ayından etibarən inflyasiyada azalma başlayacağını söyləyərək, "Mən siqnalımı müəyyən yerlərə hər halda vermiş oluram, bundan belə inflyasiyanın daha yuxarı çıxması mümkün deyil, çünki faiz nisbətlərində də enişə keçirik", - demişdi.

Canlı verilişdə sualları cavablayan Ərdoğan, "Yüksək faiz yoxdur. Çünki yüksək faiz bizə yüksək inflyasiyanı gətirəcək. Amma aşağı faiz bizə aşağı inflyasiyanı gətirəcək. Avqust ayı qırılma nöqtəsidir və inşallah Avqust ayından etibarən artıq biz aşağı inflyasiyaya keçəcəyik", bildirmişdi.

Türkiyə Mərkəzi Bankı faiz qərarını Bakı vaxtı ilə saat 15:00-da açıqlayacaq.