Olimpiadada qızıl medala görə 737 min dollar

Olimpiadada qızıl medala görə 737 min dollar

Müxtəlif ölkələrin təyin etdiyi mükafatlar olduqca fərqlənir…

Olimpiadada qızıl medala görə 737 min dollar

İyulun 23-də başlayan və bir həftəyə yaxındır davam edən Tokio Olimpiya Oyunlarında artıq 330-dan çox medal öz sahibini tapıb. Bəs medal qazanan idmançılar bna görə nə qədər pul mükafat və başqa imtiyazlar alır? Marja bəzi ölkələrdəki vəziyyəti araşdırıb.

Filippinli idmançı, ağırlıqqaldıran Hidilin Diaz ölkəsinin Olimpiya tarixində ilk qızıl medalı qazanıb. Buna görə Filippin İdman Komissiyası və biznesmenlər birlikdə idmançıya 33 milyon peso (600 min dollar) ödəyəcək. ABŞ Olimpiya və Paralimpiya Komitəsi qızıl medal qazanan hər idmançını 37 500 dollar məbləğində mükafatlandırır. Qalib idmançılara ən yüksək mükafat verən ölkə Sinqapurdur - 737 min dollar.

VTB-də minimal faiz dərəcəsi ilə nağd kredit 10.49%-dən

Bəzi ölkələrin Milli Olimpiya Komitələrinə istinadla idmançılara verilən mükafat dair siyahını təqdim edirik:

Ölkə	Medallara görə mükafat, $
Ölkə	Qızıl	Gümüş	Bürünc
Sinqapur	737 000	369 000	184 000
Qazaxıstan	250 000	150 000	75 000
Malayziya	236 000	71 000	24 000
İtaliya	213 000	107 000	71 000
Filippin	200 000	99 000	40 000
Macarıstan	168 000	126 000	96 000
Braziliya	49 000	29 000	20 000
Yaponiya	45 000	18 000	9 000
ABŞ	37 500	22 500	15 000
Cənubi Afrika	37 000	19 000	7 000
Kanada	16 000	12 000	8 000
Avstraliya	15 000	11 000	7 000

Xatırladaq ki, 2016-cı ildə Rio-de-Janeyroda keçirilən XXXI Yay Olimpiya oyunlarında yüksək nəticə göstərən Azərbaycan idmançıları üçün mükafat aşağıdakı qaydada müəyyən edilmişdi:

Birinci yeri tutan hər bir idmançıya 400 min manat, Milli Olimpiya Komitəsinin xətti ilə əlavə 200 min manat;

İkinci yeri tutan hər bir idmançıya 200 min manat, Milli Olimpiya Komitəsinin xətti ilə əlavə 100 min manat;

Üçüncü yeri tutan hər bir idmançıya 100 min manat, Milli Olimpiya Komitəsinin xətti ilə əlavə 50 min manat.

Tokio Olimpiya Oyunlarında qazanılacaq medallara görə mükafat hələ müəyyən edilməyib.

29.07.2021 11:49