“Gəlirlər və məhkəmələr” həftəsi başlayır: gözlər ABŞ-dadır

“Gəlirlər və məhkəmələr” həftəsi başlayır: gözlər ABŞ-dadır

Bu həftə dünyanın ən iri bankları və bir sıra nəhəng şirkətlər rüblük nəticələri açıqlayacaq

“Gəlirlər və məhkəmələr” həftəsi başlayır: gözlər ABŞ-dadır

Yenicə başlayan həftə qarşıda bizə maraqlı hadisələr vəd edir. ABŞ hər zamankı kimi ən dinamik bazar olaraq öndə gedir. Marja bu həftə gözlənilən əsas hadisələrin qısa icmalını təqdim edir:

Bankların triumfu..

VTB-də yüksək depozit faizləri daha çox qazandırır

Bu həftə ABŞ-ın və həmçinin dünyanın ən iri bankları cari ilin ikinci rübünə dair nəticələri açıqlayacaq. İyulun 13-ü JP Morgan Chase, Goldman Sachs, 14 iyul Wells Fargo, Citi Group, Bank of America, 15 iyulda isə Morgan Stanley, Bank of NY Mellon, Truist Bank və başqaları hesabat verəcək. Analitiklər bu sektorda 100%-dən çox mənfəət artımı və son 25 ilin ən yaxşı nəticələrini gözləyir.

Biznes əvvəlki səviyyəsinə qayıdır...

Bir sıra iri sənaye, qida və ərzaq, səhiyyə, nəqliyyat şirkətlərindən də rüblük nəticəlrə bu həftə gələcək. Onların arasında PepsiCo, Delta Air Lines, UnitedHealth, Ericsson, Kansas City Southern və başqaları da var. Enerji şirkətlərində mənfəətin 225%, istehlak malları sektorunda 271% artacağı gözlənilir.

Texnokral məhkəmə qarşısında

Bugün həm də elektrikli avtomobillər bazarının lideri Teslanın rəhbəri Elon Mask məhkəmədə ifadə verəcək. Teslanın digər səhmdarlarının qaldırdığı iddiada qeyd olunur ki, Mask Teslanın 2016-cı ildə 2,6 milyard dollara aldığı SolarCity şirkətindən alternativ enerji üçün yox, həmin vaxt yaxşı vəziyyətdə olmayan Teslanın maliyyə göstəricilərini saxtalaşdırmaq üçün istifadə edib.

Həmçinin, ABŞ-da bir sıra iqtisadi göstəricilər də açıqlanacaq: inflyasiya, büdcənin icrası, maliyyə sisteminin icmalı, işsizlik üzrə ərizələrin sayı, idxal qiymətləri, sənayenin istehsal həcmi, pərakəndə satışlar.

Bir sözlə, maraqlı və dinamik həftə olacaq. Marjanı izləyin və biznes-maliyyə dünyasında ən son yeniliklərdən xəbərdar olun.

PepsiCo Delta Air Lines UnitedHealth Ericsson Kansas City Southern JP Morgan Chase Goldman Sachs 14 iyul Wells Fargo Citi Group Bank of America Morgan Stanley Bank of NY Mellon Truist Bank Mask Tesla

12.07.2021 09:33

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az