Avtomobil sahiblərini sevindirəcək yeni bir start-up layihənin təqdimatı keçirilib.

“Marja” xəbər verir ki, Azərbaycanda mövcud dünya şöhrətli şin markalarını vahid onlayn şin satışı portalına toplayan, "Təkəri birinci əldən alın!" devizi ilə TEKERSTORE.az şirkəti bazara daxil olub.

TEKERSTORE.az şirkəti Babək pr.31H ünvanında yerləşən "SS Center" biznes mərkəzində yerləşən ofisində qapılarını eyniadlı elektron ticarət layihəsinə maraq göstərənlərin üzünə açıb.

Tədbirə dəvətlilər sırasında avtomobil mediasının tanınmış jurnalistləri, layihənin tərəfdaşı olan şin markalarının təmsilçiləri, eləcə də avtomobil dilerlərinin nümayəndələri və avtomobil biznesinin digər sahələrindən (ehtiyat hissələri, motor yağları, servis mərkəzləri və s.) mütəxəssislər var idi.

Tədbiri giriş sözü ilə layihənin və eyniadlı şirkətin təsisçisi və direktoru Vüsal Cəfərov açıb. Gələn qonaqlara təşəkkür edən V.Cəfərov layihənin bugün üçün aktuallığından şirkətin qarşısında dayanan hədəflərdən  bəhs edib. Layihənin sahibi portalın müştərilər üçün faydaları sırasında sərfəli qiymət, zamana qənaət, sifariş edilən şinlərə verilən istehsalçı zəmanəti və satışdan sonra müştəriyə təklif olunan servis xidmətlərini sadalayıb.

Daha sonra qonaqlar ofisin iş şəraiti ilə tanış oldular. Nəhayət yekunda www.tekerstore.az saytının təqdimatı baş tutdu. Tədbir iştirakçılarına saytın strukturu, şin sifarişinin qaydaları barəsində müfəssəl məlumat verilib.

Qeyd edək ki, www.tekerstore.az onlaynşin satışı portalı rəsmi təqdim olunduğu andan artıq müştərilərin xidmətindədir. Bununla da sərfəli qiymətə, keyfiyyətli və güvənli şin almaq istəyən avtomobil sahiblərinin artıq qapı-qapı gəzib ucuz şin axtarmasına gərək qalmır. Evinizdə əyləşib sadəcə kompüterdən və ya mobil smartfonunuzdan sayta daxil olub axtarış sistemində axtardığınız şinin markirovksındakı ölçüləri daxil etməklə dünyanın məşhur şin markalarının məhsullarını çox sərəli qiymətə əldə edə biləcəksiniz. Şirkət sifariş verilən şinlərin ünvana çatdırılmasını (Bakı və şəhərətrafı ərzilər üçün pulsuz olmaqla) və servis xidmətlərini  (şin montajı, razval və balans) də təklif edir.

Daha ətraflı məlumat üçün www.tekerstore.az saytına daxil ola və ya (012/077/055) 310 31 71 nömrələri ilə əlaqə saxlaya bilərsiniz.