Bu ilin yanvar-aprel aylarında Azərbaycanda könüllü sığorta növlərinin hesabına 222 milyon 416 min manat sığorta haqqı toplanılıb.

Azərbaycan Mərkəzi Bankının statistikasına görə, bu, ötən ilin yanvar-aprel aylarına nisbətən 6% çoxdur.

Ötən 4 ayda icbari sığorta növləri hesabına daxilolmaların məbləği isə illik müqayisədə 14,9% artaraq 116 milyon 691 min manata düşüb.

Hesabat dövründə könüllü sığorta növləri isə ödənişlərin məbləği 129 milyon 373 min manat təşkil edib ki, bu da 1 il əvvələ nisbətən 61,15% çoxdur. İl ərzində icbari sığorta növləri üzrə ödənişlərin məbləği isə 99,4% və yaxud təxminən 2 dəfə artaraq 50 milyon 417 min manata çatıb.

Beləliklə, 2021-ci ilin yanvar-aprel aylarında könüllü sığorta bazarından toplanmış hər 100 manat sığorta haqqının 58,2 manatı qədər ödəniş edilib. Bu rəqəm 2020-ci ilin yanvar-aprel aylarında 38,3 manat olub. İl ərzində icbari sığorta bazarında hər 100 manat sığorta haqqına düşən ödənişin məbləği isə 24,9 manatdan 43,2 manata çatıb.

Həyat sığortası 16%, qeyri-həyat sığortası isə 5% artıb

Bu ilin yanvar-aprel aylarında Azərbaycanda həyat sığortası növlərinin hesabına 134 milyon 305 min manat sığorta haqqı toplanılıb. Bu, ötən ilin yanvar-aprel aylarına nisbətən 16,1% çoxdur.

Ötən 4 ayda qeyri-həyat sığortası növlərinin hesabına daxilolmalar isə 204 milyon 802 min manat təşkil edib. Bu isə illik müqayisədə 4,7% çoxdur.

Hesabat dövründə həyat sığortası növləri üzrə ödənişlər 2 dəfə artaraq 102 milyon 51 min manata, qeyri-həyat sığortası növləri üzrə ödənişlər isə 40% artaraq 77 milyon 738 min manata çatıb.

Beləliklə, 2021-ci ilin yanvar-aprel aylarında həyat sığortası bazarında toplanmış hər 100 manat sığorta haqqı üzrə 76 manat, qeyri-həyat sığortası bazarında toplanmış hər 100 manat sığorta haqqı üzrə isə 38 manat müştərilərə geri ödənilib. Bu rəqəmlər 2020-ci ilin yanvar-aprel aylarında müvafiq olaraq 43,2 manat və 28,4 manat olub.

Marja.az Telegramda: https://t.me/marjaaz

Renkinq