Sığorta şirkətinin 4 mənzili satışa çıxarılacaq - QİYMƏT

Sığorta şirkətinin 4 mənzili satışa çıxarılacaq - QİYMƏT

Sığorta şirkətinin 4 mənzili satışa çıxarılacaq - QİYMƏT

Ləğv prosesində olan “Standard Insurance” Sığorta Şirkətinin Ləgvetmə komissiyası tərəfindən şirkətə məxsus rekonstruksiya işlərindən sonra birləşdirilmiş 4 (dörd) mənzil satışa çıxarılacaqdır.

ASC “Standard Insurance”-nin ləğvetmə komissiyasından Marja-ya verilən məlumata görə, hərrac “Xəzəryanı ixtisaslaşdırılmış Hərrac Mərkəzi” MMC tərəfindən 07 iyun 2021-ci il tarixdə saat 11:00-da Bakı şəhəri, Səbail rayonu Ə.Cavid küc.,ev 15 mən 1 ünvanda keçiriləcəkdir.

VTB-də yüksək depozit faizləri daha çox qazandırır

Hərraca çıxarılan predmetin satış qiyməti: 1 800 000 (bir milyon səkkiz yüz min) manat, iştirak haqqının məbləği: 500 (beş yüz) manat, Behin məbləği: 18 000 (on səkkiz min) manatdır.

Hərrac predmetinin ətraflı təsviri aşağıdakı cədvəldə öz əksini tapmışdır:

Daşınmaz əmlak növü	Ünvanı	Ümumi sahəsi	Satış qiyməti AZN	İştirak haqqı AZN	Beh AZN
Rekonstruksiya işlərindən sonra birləşdirilmiş 4 (dörd) mənzil	Bakı şəhəri, Nəsimi rayonu, Mirzə Ağa Əliyev küçəsi. ev 251, mənzil 20	56.6 м²	1 800 000	500	18 000
	Bakı şəhəri, Nəsimi rayonu, Mirzə Ağa Əliyev küç., ev 251, mənzil 49	46.5м²
	Bakı şəhəri, Nəsimi rayonu, Mirzə Ağa Əliyev küçəsi. ev 251, mənzil 50	52.7 м²
	Bakı şəhəri, Nəsimi rayonu, Şəmsi Bədəlbəyli küçəsi. ev 96, mənzil 65	114.7 м²

ASC “Standard Insurance” Sığorta Şirkətinin Ləgvetmə komissiyası bildirilir ki, 7 iyun 2021-ci il tarixində keçirilməsi nəzərdə tutulan hərrac satışı sayca üçüncüdür. Birinci və ikinci hərrac satışları müvafiq sayda iştirakçı olmadığı üçün baş tutmamışdır. Bu səbəbdən hərrac qaydalarına uyğun olaraq əmlakın ilkin satış qiyməti (2 000 000 manat) 10 % azaldılaraq üçüncü hərracda 1 800 000 (bir milyon səkkiz yüz min) manat müəyyən edilir.

Hərracla bağlı daha ətraflı məlumatları isə aşağıdakı linklərdən əldə etmək münkündür:

https://tap.az/elanlar/dasinmaz-emlak/obyektler-ve-ofisler/25336904

Ləğvetmə komissiyası həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə satışının təşkili davam edəcəkdir və bu barədə ictimaiyyətə əvvəlcədən məlumat veriləcəkdir.

25.05.2021 16:10

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az