Azərbaycanın istər dövlət, istərsə də özəl sektorda müxtəlif təyinatlı layihələrini uğurla icra edən iri şirkətlərindən sayılan “AS Group İnvestment” özünün mövcud dəyərlərinə sadiq qalmaqla müasirləşməni seçərək loqotipini yeniləyib. 

Qrupdan Marja-ya daxil olmuş məlumata görə, Şirkətin loqonu yeniləməsində əsas məqsədi mövcud emblemin təəssüratını və rəmzlərini qoruyub saxlamaqla onu sadələşdirmək idi.

Yenilənmiş loqo üst-üstə düşən, göy rəngli üçbucaq formasından və sarı dairədən ibarət olmaqla iki hissəyə ayrılıb. Üst-üstə düşən bu üçbucaq formaları birlikdə sünbülü xatırladaraq məhsuldarlığı və inkişafı ifadə edir. Formanın qalınlığı möhkəmlik və davamlılıq təəssüratını, iti küncləri sərtliyi, ciddiliyii ifadə etməklə yanaşı, oval künclər mülayimlik hissini yaradaraq brendə smart və açıq fikirlilik obrazını qazandırır. Rəngin göy olması öz soyuqluğu ilə həm də ciddiliyi ifadə edir. Brendin əsasındakı köklü, dəyişməz dəyərlər rəngə hoparaq onu tündləşdirir. Ən üstdə olan sarı dairə isə sünbülün məhsulunu, nailiyyəti ifadə etməklə həm də, Günəşin rəmzi kimi işıqlı gələcəyi, eyni zamanda brend üçün hədəflərin çox yüksəkdə olduğunu, daim ona doğru istiqamətləndiyini göstərir.      

Qeyd edək ki, loqo ilə bərabər “AS Group İnvestment” özünün korporativ üslubunu və veb saytını da yeniləyib. Artıq yeni, innovativ www.asgroup.az saytına daxil olan hər kəs şirkət haqqında ətraflı, tam və dolğun məlumat əldə edə bilər.

Dövlət və özəl sektorda müxtəlif təyinatlı layihələri uğurla icra edən “AS Group İnvestment”-in əsası 2003-cü ildə ilk əmtəə betonu istehsalı üzrə ixtisaslaşan “AS İnşaat” MMC-nin yaradılması ilə qoyulur. Beton istehsalından inşaat layihələrinə keçən şirkət tədricən genişlənərək 2011-ci ildə “AS Group İnvestment” MMC-nin vahid çətiri altında birləşir. Hazırda şirkət biznes faəliyyətini daha da genişləndirərək tikinti, daşınmaz əmlak, istehsalat, kənd təsərrüfatı, nəqliyyat və daşımaçılıq, horeca istiqamətləri üzrə çalışır. “AS Group İnvestment” həmçinin, beynəlxalq layihələrə imza ataraq ölkəmizə investisiyanın cəlb olunmasında da mühüm işlər görür.