Neft qiymətləri, ABŞ-da özəl sektorun açıqladığı faktların benzin və xam neft ehtiyatlarının azaldığını göstərməsi və dünyanın ən böyük neft istehlakçısı olan ABŞ-da onsuz da yüksək səviyyələrdə olan ehtiyatların azaldığına işarə etməsindən sonra altı həftənin ən aşağı səviyyəsindən yüksəlib.

 
"Marja" xəbər verir ki, neft qiymətləri Nyu-Yorkda, Çərşənbə axşamı günü 21 Martdan bu yana ən aşağı səviyyəsindən bağlanmasının ardından 1.1% qədər yüksəlib.

ABŞ-da sektorun maliyyələşdirdiyi Amerika Neft İnstitutunun (API) Çərşənbə günü açıqladığı məlumatlara görə, ötən həftə xam neft ehtiyatları 4.16 milyon barrel və benzin ehtiyatları isə 1.93 milyon barel azalıb. 

OFİS LƏVAZİMATLARI TOPDANSATIŞ QİYMƏTLƏRİNƏ!

ABŞ-da Çərşənbə günü açıqlanacaq rəsmi göstəricilərin də, Bloomberg-in sorğusuna qatılan analitiklərin proqnozlarına görə, xam neft ehtiyatlarının azaldığını göstərməsi gözlənilir. Yanacaq  ehtiyatlarının isə artım göstərməsi nəzərdə tutulur.

 
"Melbournede IG Ltd"nin bazar strateqi Chris Weston, "Bazar hazırda ABŞ-da neftbaza göstəricilərinin azalma göstərməsini gözləyirdi və API göstəriciləri bunu dəstəklədi. Benzin ehtiyatlarındakı potensial azalma, qiymətlərin aşağı düşməsinin ortadan qalxmasına yardım edə bilər" şəklində bildirib.

 
Neft qiymətləri, ABŞ-da artan neft hasilatının, Neft İxrac Edən Ölkələr Birliyi (OPEC) və digər bəzi istehsalçıların istehsalı azaltmaq səylərini heç edə biləcəyi narahatlıqları ilə son iki həftə düşüb. 

OPEC, hasilatın azaldılması müqaviləsini ilin ikinci yarısına uzadıb uzatmamaq məsələsində qərar vermək üçün, Mayın 25-də Vyanada toplaşacaq. Səudiyyə Ərəbistanının energetika naziri Xalid Əl-Falih, ötən həftə verdiyi açıqlamada, müqavilənin uzadılması barədə ümumi bir fikir birliyi olduğunu deyib.

 
Qərbi Texas nefti Nymex birjasında 51 sent  və ya 1,1% bahalaşaraq bareli  48.17 dollara qədər, Brent nefti, Londonda ICE Futures Europe bazarında 59 sent və ya 1.2 faiz bahalaşaraq bareli 51.05 dollara qədər yüksəlib.  

0% KREDİTLƏ OFİS MEBELİ!