Daha bir sığorta şirkəti icbari sığortaların satışına başlayıb

Daha bir sığorta şirkəti icbari sığortaların satışına başlayıb

"Bakı Sığorta" şirkəti bir neçə icbari sığorta növü üzrə xidmət göstərməyə başlayıb.

Marja-nın əldə etdiyi məlumata görə, "Bakı Sığorta" İcbari Sığorta Bürosunun iştirakçı sığortaçıların reyestrinə daxil edilib və Büronun iştirakçı sığortaçılarının sayı 16-ya çatıb.

VTB-də yüksək depozit faizləri daha çox qazandırır

Daşınmaz əmlakın icbari sığortası daşınmaz əmlakın yanğın və ya digər hadisələr nəticəsində zədələnməsi, məhv olması, yaxud hər hansı formada itkisi ilə bağlı dəyən zərərin əvəzinin ödənilməsi məqsədi ilə tətbiq edilir.

Avtonəqliyyat vasitəsi sahiblərinin mülki məsuliyyətinin icbari sığortası mexaniki avtonəqliyyat vasitələrinin Azərbaycan Respublikasının ərazisində istifadəsi nəticəsində fiziki şəxslərin sağlamlığına, həmçinin fiziki və hüquqi şəxslərin əmlakına vurduğu zərərlərin əvəzinin ödənilməsi məqsədi ilə tətbiq edilir.

Daşınmaz əmlakın istismarı ilə bağlı mülki məsuliyyətin icbari sığortası müvafiq əmlakın istismarı, o cümlədən həmin əmlakın ərazisində inşaat, təmir, yenidənqurma və ya digər işlərin həyata keçirilməsi zamanı üçüncü şəxslərin sağlamlığına və əmlakına dəyən zərərin əvəzinin ödənilməsi məqsədi ilə tətbiq edilir.

17:05

İcbari Sığorta Bürosunin saytında iştirakçı sığortaçıların reyestrinə daxil edilmiş sığortaçılar haqqında bölmə yenilənib.

Yenilənmiş siyahıda “Bakı Sığorta” ASC-nin adı da göstərilib.

Qeyd edilib ki, “Bakı Sığorta” ASC 25 dekabr 2020-ci il tarixdə İcbari Sığorta Bürosunun iştirakçı sığortaçıların reyestrinə daxil edilmişdir. “Bakı Sığorta” ASC tərəfindən həyata keçirilən icbari sığorta növləri:

- Daşınmaz əmlakın istismarı ilə bağlı mülki məsuliyyətin icbari sığortası

- Daşınmaz əmlakın icbari sığortası

- Avtonəqliyyat vasitəsi sahiblərinin mülki məsuliyyətinin icbari sığortası:

12.01.2021 17:05

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az