Yerli bazar iştirakçıları üçün daima yeni marketinq xidmətləri təqdim edən Marcom Marketinq və Kommunikasiyalar şirkəti Bakudez - Bakı Dezinfeksiya Mərkəzinə marketinq dəstəyi göstərəcək.

Marcom Şirkətinin icraçı direktoru Ceyhun Fərzəliyev əməkdaşlıq üçün yol xəritəsinin təqdim olunduğunu söylədi.

“Pandemiya dövründə dezinfeksiya işləri ilə məşğul olan bir şirkətin marketinqə diqqət ayırmasını müsbət hal kimi dəyərləndiririk. Biz ilkin mərhələdə şirkətin bazarda inkişaf perspektivlərini müəyyən etdik və bu istiqamətdə gediləcək yolun xəritəsini hazırladıq. Şirkətin əvvəlki korporativ dəst xətti bir çox kommunikasiya vasitələrində ciddi problemlər yaratdığı və şirkətin fəaliyyət istiqamətini məhdudlaşdırdığı üçün xidmətlərin icrasına şirkətin yeni vizual konseptindən başladıq. Yeni təqdim etdiyimiz loqo şirkətin fəaliyyət istiqamətini tam olaraq özündə əks etdirir. Yeni loqoda irəli işarəsi, su damcısı, molekul və xidmətlərin çoxluğu əks olunmuşdur. Artıq şirkətin xidmət kataloqu, məhsulları və digər kommunikasiya vasitələri üzrə işlər tamamlanmışdır. Yaxın günlərdə şirkətin yeni dəst xəttinə uyğun veb saytını təqdim etməyi planlaşdırırıq.”

Bakudez şirkətinin direktoru Coşqun Qurbanov Marcom şirkəti ilə olan əməkdaşlığı yüksək qiymətləndirdiyini açıqlayıb.

“2019-cu ildə yaradılan şirkətimiz, ilk vaxtlarda dezinfeksiya şirkəti kimi fəaliyyət göstərsə də, zamanla xidmət və satış imkanlarını genişləndirməyə başladı. Müştərilərimizin tələb və təkliflərini qarşılamaq üçün əlavə olaraq marketinq dəstəyinə ehtiyac olduğunu qərara aldıq. Biz bir çox marketinq şirkətləri ilə görüşdük. Lakin Marcom şirkətinin təqdim etdiyi yol xəritəsi bizim getmək istədiyimiz yol ilə daha çox uyğunluq təşkil etdiyi üçün əməkdaşlığa razılıq verdik. Marcom şirkəti qısa müddət ərzində bizim brendinq, kontent marketinq, xidmət kataloqu və digər kommunikasiya vasitələri üzrə işlərimizi formalaşdırmağı bacardılar. Hal-hazırda biz birlikdə qısa müddət ərzində fundamental işlərin bitməsi üzərində çalışırıq. Şirkətin gördüyü işlərin və verdiyi tövsiyələrin Bakudez markasının inkişafı üçün faydalı olacağına inanırıq.”

Qeyd edək ki, Marcom şirkəti bu ilin sonuna kimi şirkətin rəsmi veb saytını təqdim etməyi planlaşdırır. Növbəti mərhələdə tərəflər saytın google-a indeksasiya olunması üçün SEO Optimizasiya və digər rəqəmsal marketinq alətləri üzrə xidmətlərin icrasına start verəcəklər.