Rusiya Bankının Azərbaycandakı törəməsinin əməliyyat zərəri artıb - GƏLİRLƏRİ XƏRCLƏRİNİ ÖDƏMİR

Rusiya Bankının Azərbaycandakı törəməsinin əməliyyat zərəri artıb - GƏLİRLƏRİ XƏRCLƏRİNİ ÖDƏMİR

Rusiya Bankının Azərbaycandakı törəməsinin əməliyyat zərəri artıb - GƏLİRLƏRİ XƏRCLƏRİNİ ÖDƏMİR

Rusiyan VTB bankına məxsus olan Bank VTB (Azərbaycan) ASC-nin əməliyyat gəlirləri azalıb, əməliyyat xərcləri və əməliyyat zərəri artıb.

GƏLİRLƏRİ XƏRCLƏRİNİ ÖDƏMİR

VTB-də minimal faiz dərəcəsi ilə nağd kredit 9.9%-dən

Marja Bankın açıqladığı maliyyə göstəricilərinə istinadən xəbər verir ki, 2020-ci ilin yanvar-sentyabr dövründə Bank VTB Azərbaycanın cəmi əməliyyat gəlirləri 8 milyon 775 min manat, cəmi əməliyyat xərcləri 14 milyon 350 min manat təşkil edib. Xərclər gəlirləri üstələdiyindən Bankın 5 milyon 575 min manat əməliyyat zərəri yaranıb. Bu, ötən ilin eyni dövrü ilə müqayisədə 1 milyon 325 min manat və ya 31,2% çoxdur.

Belə ki, 2019-cu ilin yanvar-sentyabr dövründə Bank VTB Azərbaycanın cəmi əməliyyat gəlirləri 9 milyon 507 min manat, cəmi əməliyyat xərcləri 13 milyon 757 min manat, xərclər gəlirləri üstələdiyindən 4 milyon 250 min manat əməliyyat zərəri yaranmışdı.

Bank VTB Azərbaycanın qeyri-faiz xərclərinin azalması, eyni zamanda qeyri-faiz xərclərinin artması ilə əlaqədar olaraq əməliyyat zərəri artıb.

Bank VTB (Azərbaycan) ASC cari ilin 9 ayını 2 milyon 585 min manat xalis mənfəət ilə başa vurub. Xalis mənfəət əvvəlki dövrlərdə mümkün zərərlər üçün yaradılan məqsədli ehtiyatlardan azad olan vəsait hesabınadır.

31 Sentyabr 2020-cil ul tarixində Bank VTB Azərbaycan 187 milyon 5 min manat cəmi aktivlərə malik olub. Bank ötən ilin sonunda 157 milyon 359 min manat cəmi aktivlərə malik idi.

Cari ilin 9 ayı ərzində müştərilərə verilmiş kreditlər 62 milyon 48 min manatdan 76 milyon 194 min manata yüksəlib. Cəmi kreditlərdəki artım daşınmaz əmlak kreditlərinin artması ilə əlaqədardır.

31 Sentyabr 2020-cil ul tarixində Bank VTB Azərbaycan 60 milyon 362 min manat məcmu kapitala malik olub.

Qeyd edək ki, Bank VTB (Azərbaycan) ASC-nin nizamnamə kapitalının 99,9999 %-i Bank VTB-yə (Rusiya), 0,0001%-i fiziki şəxslərə məxsusdur.