Turanbank ASC 2020-ci ilin 9 ayını (yanvar-sentyabr) 1 milyon 414 min manat mənfəət ilə başa vurub. 2019-cu ilin eyni dövrü ilə müqayisədə Bankın mənfəəti 4,3 dəfə artıb. Turanbank 2019-cu ilin 9 ayını 329 min manat mənfəət ilə bağlamışdı.

GƏLİRLƏRİ ARTIB

Marja xəbər verir ki, 2020-ci ilin 9 ayında Turanbankın cəmi əməliyyat gəlirləri 30 milyon 111 min manat, cəmi əməliyyat xərcləri 28 milyon 419 min manat təşkil edib. Gəlirlər xərcləri üstələdiyindən Turanbankın 1 milyon 692 min manat əməliyyat mənfəəti formalaşıb. Bank əməliyyat mənfəətindən 278 min manat aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırıb. Beləliklə, Bank cari ilin 9 ayını 1 milyon 414 min manat mənfəət ilə bağlayıb.

Müqayisə üçün qeyd edək ki, 2019-cu ilin 9 ayında Turanbankın cəmi əməliyyat gəlirləri 28 milyon 181 min manat, cəmi əməliyyat xərcləri 27 milyon 520 min manat, əməliyyat mənfəəti 661 min manat təşkil etmişdi. Bank əməliyyat mənfəətinin 332 min manatını aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmışdı.

GƏLİRLƏRİ XƏRCLƏRİNDƏN DAHA ÇOX ARTIB

Bankın əməliyyat gələrilərinin 1 milyon 930 min manat artması ilə bərabər əməliyyat xərcləri 899 min manat artıb. Gəlirlərin xərclərdən 1 milyon 31 min manat çox artması əməliyyat mənfəətinin bu qədər çox olmasını təmin edib.

MÜŞTƏRİLƏRƏ VERİLƏN KREDİTLƏR ARTIB

Turanbank böyüməkdə davam edib. Müştərilərə verilən kreditlər 30 Sentyabr 2019-cu il tarixi ilə müqayisədə 7 milyon 444 min manat artaraq 30 Sentyabr 2020-ci il tarixində 342 milyon 811 min  manat təşkil edib. Bankın aktivləri isə 33 milyon 529 min manat artaarq 551 milyon 526 min manata çatıb.

MÜŞTƏRİLƏRİN DEPOZİTLƏRİ ARTIB

Turanbankda müştərilərin depozitləri29 milyon 727 min manat artaraq 286 milyon 270 min manata yüksəlib.

30 Sentyabr 2020-ci il tarixində Turanbank 78 milyon 218 min manat məcmu kapitala malik olub. Ötən ilin sonunda Bankın məcmu kapitalı 76 milyon 821 min manat təşkil etmişdi.