“FEB Group”un təşkilatçılığı və Maliyyə Nazirliyi yanında Maliyyə-Elm Tədris Mərkəzinin dəstəyi ilə “Maliyyə və Mühasibatlığın Praktiki Məsələləri” mövzusunda məqalə müsabiqəsi elan edilir.

Əgər siz də: “Mən maliyyə-mühasibat məsələlərini elmi, daha praktiki və hər kəs tərəfindən anlaşılan şəkildə izah edə bilərəm.”- deyirsinizsə bu müsabiqə məhz sizin üçündür!

Bir ay ərzində məqalələr hazırlanmalı və 20.05.2017 saat 18:00 tarixinədək göstərilən e-mail ünvanına göndərilməlidir.

 Mövzu daxilində məqalə başlıqlarının seçilməsi sərbəstdir. Müsabiqədə orta ixtisas təhsili müəssisələrinin bütün tələbələri və ali təhsil müəssisələrinin bakalavriat pilləsində təhsil alan tələbələr iştirak edə bilərlər. Qaliblər Maliyyə-Elm Tədris Mərkəzi tərəfindən təlim paketləri və kitab dəstləri ilə mükafatlandırılacaq! Yerlər üzrə aşağıdakı mükafatlar müəyyən olunmuşdur:

I yer - Təlim paketi və kitab dəsti + 1 nəfərlik “FEB Group” yay məktəbi bileti
II yer - Təlim paketi və kitab dəsti
III yer (2 namizəd) - Kitab dəsti

Müsabiqənin 1-ci mərhələsində seçilən məqalə başlıqlarının və iştirakçının 27.04.2017 tarixinədək aşağıdakı linkdən qeydiyyatdan keçməsi vacibdir. Qeydiyyatdan keçən iştirakçılara məqalə yazılması və bloggerlik təlimi keçiləcəkdir.

Qeydiyyat linki: https://docs.google.com/forms/d/e/1FAIpQLSdM02PlUQak_Fxau1y-RenvINEDRZsK47DaevjzS4hM_WbN6Q/viewform
 

Məqalənin yazılma tələbləri:

1. Məqalələr Microsoft Word proqramında 12 ölçülü Arial şrifti ilə yazılmalıdır;
2. Müsabiqədə praktiki məsələlərin həllinə yönələn məqalələrə üstünlük veriləcəkdir;
3. Plagiat mövzulara baxılmır;
4. Göstərilən tarixdən sonra göndərilən məqalələrə baxılmır.

Qeyd: Müsabiqə gedişində baş verən dəyişikliklər və elanlar Maliyyə-Elm Tədris Mərkəzinin https://www.facebook.com/groups/maliyye.elm.tedris.merkezi/ Facebook qrupunda paylaşılacaqdır.
Məqalələr feb.group@yandex.com elektron poçt ünvanına göndərilməlidir. Müsabiqə ilə bağlı sual yaranarsa göstərilən e-mail ünvanına və ya 077 464 47 30 telefon nömrəsinə yaza bilərsiniz.