Dövlət şirkəti ilk dəfə istiqrazlar buraxacaq

Dövlət şirkəti ilk dəfə istiqrazlar buraxacaq

Qızıldan vətəndaşlara da pay düşəcək

Dövlət şirkəti ilk dəfə istiqrazlar buraxacaq

“AzerGold” Qapalı Səhmdar Cəmiyyəti (QSC) tərəfindən yaxın gələcəkdə Bakı Fond Birjası vasitəsi ilə ilk dəfə olaraq istiqrazların tədavülə buraxılması planlaşdırılır.

VTB-də yüksək depozit faizləri daha çox qazandırır

QSC-dən Marja-ya daxil olan məlumata görə, planlaşdırılan qiymətli kağızların emissiyası təkcə “AzerGold”un investisiya portfelinin şaxələndirilməsi deyil, eləcə də vətəndaşlar üçün mənfəətli investisiya imkanları yaratmaq məqsədi daşıyır.

İstiqrazların emissiyasından cəlb ediləcək vəsaitin “Çovdar” (Daşkəsən), “Köhnəmədən” (Balakən) və “Qaradağ” (Şəmkir-Gədəbəy) layihələri üzrə yeni yataqların resurslarının artırılmasına, yataqların yerüstü hissəsində istismar işlərinin sürətləndirilməsinə və çöl tədqiqat işlərinin maliyyələşdirilməsinə yönəldilməsi nəzərə tutulub.

“Cəmiyyətin fəaliyyətinin nəticələrinin yüksək mənfəətliliklə müşayət olunması tədavülə buraxılacaq qiymətli kağızların daha etibarlı və dayanıqlı olmasına təminat verir. Yeni istiqrazlar “AzerGold”un uzun müddətli inkişafında pay sahibi olmaqla yanaşı, qiymətli kağızlar bazarının daha da inkişaf etməsinə təkan verəcək”,- şirkətdən bildirilib.

“AzerGold” QSC yeni layihələrə sərmayə qoyuluşunu təkcə əldə etdiyi və dövlət hesabına deyil, həm də alternativ maliyyə mənbələrinin hesabına həyata keçirməyi qarşıya məqsəd qoyub.

“AzerGold” QSC mənfəətlə çalışan dövlət şirkəti olaraq ötən il 21 milyon manat xalis mənfəət əldə edib. Xalis mənfəətin 15 milyon manatının Nizamnamə kapitalına yönəldilməsi qərara alınmışdır.

08.09.2020 11:14

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az