Müştəri restorana getməyə qorxur

Müştəri restorana getməyə qorxur

Koronavirus epidemiyası insanların davranışlarını yenidən şəkilləndirir. Epidemiya başladığında insanlar evlərindən çıxmadılar və işlərini evdən görməyə başladılar. Epidemiya nəzarət alına bilinməsə də insanlar yavaş-yavaş çölə çıxmağa başlayıblar. Ancaq hələ də çöldə yemək üçün insanlar özlərini etibarlı hiss etmirlər. Bu səbəbdən restoranlar əvvəlki doluluq səviyyələrinə nail ola bilmirlər.

Pandemiya ilə əlaqədar yaranan yeni dövrdə çöldə yemək-içmək vərdişləri də dəyişir.

Marja xəbər verir ki, beynəlxalq məsləhət şirkəti McKinsey-in araşdırmasına görə, restoranda oturub yemək yeməkdən narahat olanaların nisbəti 80%-i keçir. Fast-food restoranlarında bu nisbət 54% səviyyəsindədir. McKinsey-in analizi, restoranların yeni iqtisadi modelə keçməsi lazım olduğuna işarə edir.

McKinsey-in apardığı araşdırmada restoran sektoru 3 kateqoriyaya ayrılıb. Oturub yemək yeyilən restoranların, müştərilər baxımından narahatlığın ən çox olduğu yerlər olduğu müəyyən edilib. Bu restoranlar ilə bağlı yüksək narahatlıq nisbəti 42%, orta narahatlıq 41% və az narahatlıq da 17% olub.

Sürətli xidmət göstərən restoranlar üzrə isə yüksək narahatlıq nisbəti 42%, orta narahatlıq 40% və az narahatlıq 18% səviyyəsində reallaşıb.

Üçüncü kateqoriya və insan təmasının ən az olduğu fast-food restoranları ilə bağlı da narahatlıq olduğu ortaya çıxıb. Burada yüksək narahatlıq 16%, orta narahatlıq 38% və az narahatlıq 46% olub.

Araşdırmada, "Apardığımız son sorğunun göstərdiyi kimi, bağlı məkanda yemək yeməyə icazə verilən yerlərdə istehlakçılar təmkinli davranmağa davam edirlər",- bildirilir.

Araşdırmada qeyd edilib ki, restoranlar yeni bir iqtisadi model yartmalıdırlar. Belə ki, restoranlar personaldan, yeməyin istiliyindən paket xidmətə qədər yeniləməlidirlər.

01.09.2020 14:53

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az