Azərbaycanda həyat sığortası 19%, qeyri-həyat sığortası isə 5% artıb

Azərbaycanda həyat sığortası 19%, qeyri-həyat sığortası isə 5% artıb

Azərbaycanda həyat sığortası 19%, qeyri-həyat sığortası isə 5% artıb

Bu ilin yanvar-iyul aylarında Azərbaycanda həyat sığortası növlərinin hesabına 192 milyon 179 min manat sığorta haqqı toplanılıb.

Azərbaycan Mərkəzi Bankının statistikasına görə bu, ötən ilin yanvar-iyun ayları ilə müqayisədə 18,9% çoxdur.

Son 1 ildə qeyri-həyat sığortası növlərinin hesabına daxilolmalar isə 275 milyon 304 minmanat təşkil edib. Bu isə illik müqayisədə 5,4% çoxdur.

Hesabat dövründə həyat sığortası növləri üzrə ödənişlər 2,1 dəfə artaraq 138 milyon 393 min manata çatıb, qeyri-həyat sığortası növləri üzrə ödənişlər isə 5,4% azalaraq 84 milyon 803 min manata düşüb.

Beləliklə, 2020-ci ilin yanvar-iyul aylarında həyat sığortası bazarında toplanmış hər 100 manat sığorta haqqının 72 manatı, qeyri-həyat sığortası bazarında toplanmış hər 100 manat sığorta haqqının isə 30,8 manatı müştərilərə geri ödənilib. Bu rəqəmlər 2019-cu ilin yanvar-iyul aylarında müvafiq olaraq 40,2 manat və 34,3 manat olub.

Könüllü sığorta 14%, icbari sığorta isə 4% artıb

Bu ilin yanvar-iyul aylarında Azərbaycanda könüllü sığorta növlərinin hesabına 325 milyon 34 min manat sığorta haqqı toplanılıb. Bu, ötən ilin eyni dövrü ilə müqayisədə 13,8% çoxdur.

Həmçinin oxu

Sığorta ödənişləri sığorta haqlarından sürətli artıb

Son 1 ildə icbari sığorta növləri hesabına daxilolmaların məbləği isə 3,7% artaraq 142 milyon 449 min manat olub.

Hesabat dövründə könüllü sığorta növləri isə ödənişlərin məbləği 187 milyon 808 min manat təşkil edib ki, bu da illik müqayisədə 70,75% çoxdur. İl ərzində icbari sığorta növləri üzrə ödənişlərin məbləği isə 20,7% azalaraq 35 milyon 388 min manata düşüb.

Beləliklə, 2020-ci ilin yanvar-iyul aylarında könüllü sığorta bazarından toplanmış hər 100 manat sığorta haqqının 57,8 manatı qədər ödəniş edilib. Bu rəqəm 2019-cu ilin yanvar-iyul aylarında 38,5 manat olub. İl ərzində icbari sığorta bazarında hər 100 manat sığorta haqqına düşən ödənişin məbləği isə 32,5 manatdan 24,85 manata düşüb.

Renkinq

28.08.2020 09:44

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az