Dolların qiymətləri yenidən düşür, dərinləşə bilər

Dolların qiymətləri yenidən düşür, dərinləşə bilər

Dolların qiymətləri yenidən düşür, dərinləşə bilər

Beynəlxalq maliyyə bazarlarında FED-in toplantı protokolunun yayımlanmasından sonra Amerika fond indeksi "SP500" ucuzlaşsa da cümə axşamı texnologiya şirkətlərinin bahalaşması fonunda indeks yenidən yuxarıya doğru dalğalanmağa başlayıb. Bahalaşma Amerika iqtisadiyyatı fonunda artan bədbin gözləntiləri bir gün sonra təsdiqləyən cümə axşamı dərc edilən mənfi fundamental göstəricilərlə məhdudlaşdırılsa da "SP" indeksi 3400 punktun qırılması ilə 3480 punkta kimi əlavə olaraq 2.4% dəyər qazana bilər.

Foreks bazarlarında isə investorların səhm və istiqraz bazarından çıxaraq dollara yönəlməsi, dolların aparıcı valyutalara nisbətən qiymətlərinin də bahalaşmasına səbəb olsa da "SP500" indeksində 20% paya sahib "Amazon", "Alphabet", "Facebook", "Apple" und "Microsoft" kimi şirkətlərin qiymətlərində bahalaşma, tendensiyanın geri qayıtmasına səbəb oldu.

Beləliklə, dolların qiymətləri yenidən ucuzlaşır və dollar indeksi üzrə təhlillərə əsasən, 95.56 punktun qırılması ilə ucuzlaşma əlavə olaraq 0.5%-a kimi dərinləşə bilər.

EURUSD məzənnəsi artıq 1.19$-ı qırmaq üzrədir və bunun baş verməsi təqdirdə, bahalaşma 1.1935$-a kimi sürətlənə bilər. GBPUSD məzənnəsi isə 1.32$-ın üzərində təklif edilir və 2020-ci ilin maksimumun qırılması ilə bahalaşma 1.34$-a kimi davam edə bilər.

Bununla yanaşı, bu gün Bakı vaxtı ilə saat 12:00 və 12:30-da müvafiq olaraq Avrozona və İngiltərənin sənaye və xidmət sektorlarında biznes aktivliklərinə dair yayımlanacaq önəmli fundamental göstəricilər də treyderlərin diqqət mərkəzindədir.

Dünyanın nəhəng texnolgiya şirkətlərinin maksimumlarını qeyd etdikləri bir vaxtda, əlvan metallar bazarlarında qızılın qiymətində korreksiya müşahidə edilir. Bir unsiya üzrə qiymətin 1956$-ın altında qaldıqca, 1885 və 1804$-a kimi ucuzlaşacağı proqnozlaşdırılır.

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.

21.08.2020 10:30

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az