Həyatın yığım sığortasına köçürülən maaşlar artır - 5 AYDA 100 MİLYONA YAXINLAŞIB

Həyatın yığım sığortasına köçürülən maaşlar artır - 5 AYDA 100 MİLYONA YAXINLAŞIB

Həyatın yığım sığortasına köçürülən maaşlar artır - 5 AYDA 100 MİLYONA YAXINLAŞIB

Ötən ilin Yanvarından tətbiq edilən məhdudiyyətə baxmayaraq həyatın yaşam (yığım) sığortası üzrə hesablanan sığorta haqları artır. Bu, daha çox şəxsin öz maaşını həyatın yaşam sığortası vasitəsilə investisiya etdiyinə işarədir.

Marja Mərkəzi Banka istinadən xəbər verir ki, həyatın yaşam sığortası üzrə hesablanmış sığorta haqları 2020-ci ilin yanvar-may ayları ərzində ötən ilin eyni dövrü ilə müqayisədə 25 milyon 412 min manat və ya 34,8% artaraq 98 milyon 447 min manat təşkil edib.

VTB-də minimal faiz dərəcəsi ilə nağd kredit 10.49%-dən

İlk 5 ayda həyatın yaşam sığortası üzrə sığorta ödənişləri isə 40 milyon 783 min manat və ya 2,4 dəfə artaraq 70 milyon 402 min manat təşkil edib.

Həyatın yaşam sığortası üzrə hesablanmış sığorta haqlarında bu il ötən ilin eyni dövrü ilə müqayisədə artım olasa da hələ də 2018-ci yanvar-may ayları ilə müqayisədə azadır. Belə ki, 2018-ci ilin ilk 5 ayında 113 milyon 315 min manat sığorta haqları hesablanmışdı. Həyatın yığım sığortası ilə bağlı məhdudiyyət ötən il sığorta haqlarının azalmasına səbəb olmuşdu.

Həyatım yaşam sığortasının ikinci adı Yığım İnvestisiyası Sığortasıdır. Yığım İnvestisiyası Sığortası Sizə əmək haqqınızdan daha çox gəlir əldə etmək imkanı yaradır. Siz aylıq rəsmi əməkhaqqınızdan müəyyən məbləği sığorta şirkətinə köçürərək həm həyatınızı sığortaladırsınız, həm də ödədiyiniz bu məbləğə görə vergi və investisiya gəliri əldə edirsiniz.

3 ildən az olmayan müddətə bağlanan müqavilə ilə maaşın 50%-nədək hissəsi həyatın yığım sığortasına köçürülə bilər. Bu zaman köçürülən məbləğ gəlir vergisindən və sosial sığorta haqlarından azad olur. Bu sığortadan faydalanan şəxs həm ödəmədiyi vergiləri, həm də həyatın yaşam sığortası şirkətinin ödədiyi investisiya gəlirini qazanc olaraq götürür.

Azərbaycanda 4 həyat sığortası şirkəti (Atəşgah Həyat, PAŞA Həyat, Qala Həyat və Xalq Həyat) fəaliyyət göstərir.

29.06.2020 07:42

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az