EUR

Beynəlxalq birjalarda Almaniya iqtisadiyyatı fonunda gözləntilərin artması, EUR/USD məzənnəsinin bahalaşmasına səbəb olub. Bununla yanaşı, Amerika Mərkəzi Bankının (FED) da yerli iqtisadiyyata dəstək olmaq məqsədilə istiqraz alışı və kredit proqramını genişləndirməsinə dair açıqlamaları da avronun bahalaşmasına səbəb olacağı proqnozlaşdırılır. Hazırda 1.14$-ın altında təklif edilən məzənnə, 1.14$-ın qırılması ilə 1.16$-a kimi bahalaşa bilər.

GBP

Dolların aparıcı valyutalara nisbətən qiymətlərinin ucuzlaşması, özünü GBP/USD məzənnəsində də bahalaşma dalğası ilə göstərə bilər. Təhlilərə əsasən 1.27$-ın qırılması ilə bahalaşma 1.30$-a kimi davam edə bilər.

Bununla yanaşı, cümə axşamı günü Bakı vaxtı ilə saat 15:00-da yayımlanacaq İngiltərə Mərkəzi Bankının gələcək monetar tədbirlər planı da investorların diqqət mərkəzindədir.

TRY

USD/TRY məzənnəsi isə son üç həftənin önəmli müqavimət səviyyəsinin üzərində möhkəmlənməyə çalışdığının şahidi oluruq. Bunun baş verəcəyi təqdirdə, Dolların Lirəyə nisbətən qiyməti yenidən 7TL-yə kimi bahalaşa bilər.

OIL

Qlobal iqtisadiyyatda canlanma ehtimalları və FED-in iqtisadi dəstək proqramı, enerji birjalarında neft qiymətlərinə də yenidən dəstək olmaqdadır. Beləliklə, son bir həftə ərzində 15% dəyər itirən Avropanın Brent neftinin bir barel qiymətinin, gələcək günlər ərzində 40-37$ aralığında dalğalanacağı proqnozlaşdırılır.

Çərşənbə günü saat 18:30-da yayımlanacaq ABŞ-ın neft və benzin ehtiyatları ilə göstəricilər də treyderlərin diqqət mərkəzindədir.

GOLD

Qlobal iqtisadiyyatda canlanma gözləntiləri, əlvan metallar bazarlarında qızıla olan tələbin məhdudlaşmasına səbəb olub. Beləliklə, son bir həftə ərzində 4% dəyər qazanan bir unsiya üzrə qiymət, yenidən 1723$-ın (55.4 $/qram) aşağı qırılması ilə 1700-a (54.8 $/qram) kimi dəyər itirə bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.