Veysəloğlu Şirkətlər Qrupu SAP-ın tətbiqinə başlayıb

Veysəloğlu Şirkətlər Qrupu SAP-ın tətbiqinə başlayıb

Veysəloğlu Şirkətlər Qrupu, SAP S/4HANA platforması əsasında genişmiqyaslı rəqəmsal transformasiya layihəsinə başlayıb

Veysəloğlu Şirkətlər Qrupu SAP-ın tətbiqinə başlayıb

Azərbaycanın ticarət və distribyutorluq bazarının liderlərindən biri olan Veysəloğlu Şirkətlər Qrupu yeni İT strategiyası çərçivəsində istehsal və biznes proseslərini SAP S/4HANA rəqəmsal platformasına keçirməyi planlaşdırır.

Növbəti 5 il ərzində həyata keçirilməsi nəzərdə tutulan transformasiya layihəsi qrupun bütün aktivlərinə şamil olunacaq.

VTB-də yüksək depozit faizləri daha çox qazandırır

“Bu gün şirkət qarşısında duran əsas vəzifə nəinki yalnız bazarda liderliyini qorumaq, həmçinin biznesin daha da inkişafı üçün zəruri dəyişiklikləri tətbiq etməkdir”, - Veysəloğlu Şirkətlər Qrupunun İdarə heyətinin üzvü Natəvan İbrahimova deyib

O, “Hal-hazırda şirkətlərimizdə bir-birindən asılı olmayan, müstəqil ERP sistemlərinin istifadəsi strateji qərarların qəbul etmə prosesini ləngidir və proseslərin məhsuldarlığını azaldır. Məhz buna görə biz biznesin idarəolunmasına və aktiv inkişafına effektiv dəstək verə biləcək bir rəqəmsal platformanı seçdik”, - əlavə edib.

Biznes üçün rəqəmsal nüvə olan SAP S/4HANA, şirkətin xarici çağırışlara cəld reaksiya verməyə kömək edir. Platforma real vaxtda böyük həcmdə məlumatlarla işləməyə və biznes modellərini asanlıqla yenidən təşkil etməyə imkan verir. SAP S/4HANA, iş proseslərinin uyğunlaşdırılması, həmçinin maşın öyrənməsinə və süni intellektə əsaslanan yenilikçi həll yollarının həyata keçirilməsi üçün çevik imkanlar təqdim edir.

“Veysəloğlu Şirkətlər Qrupu, Azərbaycan Respublikasının ticarət və distribyutorluq bazarında fəaliyyət göstərən ilk şirkətlərindən biri olub. S/4HANA platforması şirkətin bütün əməliyyat sistemlərinin etibarlı şəkildə işlədiyindən əmin olmağa, eləcə də biznesin aktiv şəkildə inkişaf etdiyini nəzərə almaqla zəruri prosesləri tez və səmərəli şəkildə genişləndirməyə imkan verəcəkdir”, - SAP Azərbaycan şirkətinin İcraçı direktoru Rüfət Hacıəlibəyov bildirib.

25 ildir fəaliyyət göstərən və ölkənin iri şirkətlərindən olan Veysəloğlu Şirkətlər Qrupunda 14 min işçi fəaliyyət göstərir.