Qadın Bankirlər Klubu (Women Bankers Club) karantin dövründə klub üzvlərinin eləcə də bütün digər insanların bu günlərdən maksimum faydalanmaqları üçün müxtəlif mövzularda maraqlı vebinarlar təşkil edir. Bugünə kimi keçirilən 6 belə vebinarı ümumilikdə 6 mindən çox insan izləmişdir. 

Vebinarlarda psixologiya, özünü inkişaf, innovasiya, karyera və biznes məsləhətləri, maliyyə, bankçılıq və digər mövzularda müvafiq sahənin yerli və xarici peşəkarları tərəfindən təqdimatlar keçirilir, canlı olaraq yazılan suallar bu peşəkarlar tərəfindən cavablandırılır. 

Vebinarlar klubun facebook səhifəsində həftədə iki dəfə olmaqla, canlı yayım formatında keçirilir. Bu səhifəni bəyənməklə vebinarlar üçün qeydiyyatdan keçə və canlı izləyə bilərsiniz. O cümlədən səhifədə hər bir vebinardan bir neçə gün əvvəl vebinarın mövzusu, spiker, vebinarın keçiriləcəyi elektron mühit, tarix və vaxtı haqqında məlumat elan olunur. 

Bugün, 14 may 2020-ci il tarixində Women Bankers Club-ın növbəti qonağı “İnvest-AZ İnvestisiya Şirkəti” QSC-nin Sədr müavini Orxan Bağırovdur. O bizə böhran dövründə şəxsi maliyyənin idarə edilməsi mövzusunda danışacaqdır. Vebinarın sonunda siz eləcə də mövzu ilə bağlı suallarınızı canlı olaraq verə bilərsiniz. 

“Women Bankers Club” Azərbaycanda yeganə Qadın Bankirlər Klubudur. Klubun məqsədi maliyyə sektorunda çalışan Qadınları bir yerə yığaraq, uğurlu ünsiyyət platforması yaradıb vahid ideologiya ətrafında faydalı fikir və peşəkarlıq mübadiləsinin aparılması, yeni tanışlıqların, banklararası münasibətlərin qurulması və möhkəmləndirilməsi, bir-birinə işgüzar dəstəyin təmin edilməsidir. 

Klubun üzvləri arasında ünsiyyətin təmin olunması üçün facebook-da qapalı Women Bankers Club qrupu vardır. Bu qrupa yanlız Azərbaycan Respublikasında fəaliyyət göstərən banklarda çalışan qadın əməkdaşlar qəbul olunur. Hazırda qrupun 1,000-ə yaxın üzvü vardır. Əgər siz də ölkənin maliyyə sektorunda çalışan qadınsınızsa bu qrupa qəbul olunmaq üçün müraciət edə bilərsiniz. 

Klubun facebook səhifəsi: https://www.facebook.com/profile.php?id=1692057877529968&ref=br_rs

Klubun bağlı facebook qrupu: https://www.facebook.com/groups/172146213433970/