EUR

Beynəlxalq valyuta birjalarında Avrozonada iqtisadi risklərin ehtimal ediləndən daha çox ola biləcəyi gözləntiləri, avronun 1.09$-da növbəti dəfə müqavimətlə rastlaşmasına səbəb olur. Təhlillərə əsasən, EUR/USD məzənnəsi sözügedən səviyyənin altında qaldıqca, yenidən eniş dalğasının sürətlənməsi ilə 1.07$-a düşə bilər.

GBP

GBP/USD məzənnəsi də İngiltərə iqtisadiyyatı ilə bağlı açıqlanan mənfi fundamental göstəricilər fonunda təzyiq altındadır və 1.25$-ın altında qaldıqca, 1.23$-a kimi dəyər itirəcəyi ehtimal edilir.

Bununla yanaşı, çərşənbə günü Bakı vaxtı ilə saat 10:00-da İngiltərə iqtisadiyyatı ilə bağlı dərc ediləcək önəmli fundamental göstəricilər də investorların diqqət mərkəzindədir.

TRY

USD/TRY məzənnəsi maksimum səviyyələrini yenilədikdən sonra korreksiyaya başlayıb və 7.06TL-nin qırılması və altında qalması ilə 6.95TL-yə kimi də ucuzlaşa bilər.

Bazar ertəsi saat 11:00-da Türkiyənin işsizliyinə dair dərc ediləcək göstərici də məzənnənin gələcək dalğalanmasında önəmli rol oynayacaqdır.

OIL

Dünya iqtisadiyyatında neftə olan tələbin güclənəcəyi ehtimallarının artması ilə Brent neftinin bir barel qiyməti 32$-a kimi dəyər qazandıqdan sonra korreksiyaya başlayıb. Son bir həftə ərzində 32-29$ aralığında dalğalanan qiymət, uzun müddətli proqnozlarına əsasən, 25$-ın üzərində qaldıqca, 40$-a kimi dəyər qazana bilər.

Çərşənbə günü saat 18:30-da yayımlanacaq ABŞ-ın neft və benzin ehtiyatları ilə göstəricilər də treyderlərin diqqət mərkəzindədir.

GOLD

Əlvan metallar birjalarında qızılın qiyməti üzrə proqnozlara əsasən isə 1712$-ın (54.7 $/qram) altında ticarət edilən qiymət, sözügedən səviyyənin altında qalarsa, 1682$-a (53.1 $/qram) kimi də dəyər itirə bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.