InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Beynəlxalq valyuta birjalarında dolların aparıcı valyutalara nisbətən qiymətlərində keçən həftə ərzində müşahidə edilən bahalaşma nəticəsində EUR/USD məzənnəsi 1.08$-a kimi ucuzlaşmışdır. Texniki təhlillərə əsasən, avronun qiyməti 1.0770$-ı aşağı istiqamətdə qırarsa, ucuzlaşma 1.06$-a kimi də davam edə bilər.

Çərşənbə axşamı Bakı vaxtı ilə saat 10:00-da Almaniyadan sənaye istehsalı, saat 10:45-də Fransadan xarici ticarət dövriyyəsi və cümə günü ABŞ-dan inflyasiyaya dair önəmli fundamental göstəricilər açıqlanacaqdır.

GBP

GBP/USD məzənnəsi də dolların bahalaşması fonunda təzyiq altındadır. Cari həftə ərzində funtun qiyməti 1.24$-ın altında qalmaqda davam edərsə, ucuzlaşma dalğasının şahidi ola bilərik.

Bununla yanaşı, cümə axşamı saat 10:00-da İngiltərədən dərc ediləcək iqtisadi inkişaf, sənaye və xarici ticarət dövriyyəsi ilə bağlı önəmli statistik göstəricilər də diqqət mərkəzində olacaqdır.

TRY

Son bir ilin maksimum səviyyəsində dalğalanan USD/TRY məzənnəsi də bahalaşmaqda davam edir. Məzənnə cümə axşamının dəstək səviyyəsi üzərində qaldıqca, bahalaşma 6.96TL-yə kimi davam edə bilər.

Türkiyədən cümə günü saat 11:00-da yayımlanacaq işsizliyə dair önəmli göstəricilər də böyük maraqla gözlənilməkdədir.

OIL

Enerji birjalarında dayanıqlı neft qiymətlərinin təmin edilməsi istiqamətində son günlər Amerika, Səudiyyə Ərəbistanı və Rusiya dövlətləri arasında danışıqların getməsinə dair xəbərlərin yayılması, neft qiymətlərinin bahalaşmasına səbəb olmaqdadır.

Hazırda 34$-a ticarət edilən Avropanın Brent neftinin bir barel qiyməti, keçən həftənin maksimumunu - 36$-ı qırarsa, 46$-a kimi dəyər qazana bilər.

GOLD

Əlvan metallar birjalarında qızılın bir unsiya üzrə qiyməti yenidən bahalaşmağa başlayıb. Təhlillərə əsasən, qiymət 1643$-ın (52.8 $/qram) qırılması ilə bahalaşmaqda davam edə bilər və növbəti ən yaxın hədəflər 1703$-dır (54.8 $/qram).

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.