İnvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Beynəlxalq valyuta birjalarında Koronavirusunun iqtisadi təsirləri fonunda şənbə günü Çindən artıq ilkin mənfi göstəricilərin açıqlanıb. Bu baxımından, bu həftə ABŞ və Avrozonanın sənaye və xidmət sektorlarında da biznes aktivliyi ilə bağlı açıqlanacaq önəmli fundamental göstəricilər diqqət mərkəzində olacaqdır. Çərşənbə axşamı saat 14:00-da Avrozonadan inflyasiya və cümə günü saat 17:30-da əmək bazarına dair göstəricilər də önəmli rol oynayacaqdır. Bütün bunlar FED ilə yanaşı, digər ölkələrdə də faiz azaldılması ehtimallarını da artırır.

EUR/USD məzənnəsi formalaşan cari gözləntilər fonunda ucuzlaşmağa başlayıb və 1.11$-ın altında qalarsa, yenidən 1.09$-a kimi ucuzlaşa bilər.

GBP

GBP/USD məzənnəsi də İngiltərə ilə AB arasında ticarət sazişi danışıqlarının sərt bəyanatlar şəraitində keçəcəyi gözləntiləri ilə təzyiq altında qalmaqdadır. Təhlillərə əsasən, funtun qiyməti 1.29$-ın altında qalarsa, 1.26$-a kimi də ucuzlaşa bilər.

TRY

Lirə ucuzlaşmaqda davam edir və təhlillər USD/TRY məzənnəsinin 6.33TL-yə kimi bahalaşa biləcəyini ehtimal etməyə əsas verir.

Çərşənbə axşamı saat 11:00-da Türkiyənin inflyasiyasına dair açıqlanacaq göstəricilər də investorların diqqət mərkəzindədir.

OIL

Enerji birjalarında neft qiymətləri yenidən bahalaşmağa başlayıb. Keçən həftə ərzində 18% dəyər itirən Avropanın Brent neftinin qiyməti, cümə günü 49$-da dəstək görərək, bahalaşmağa başlayəb və sonuncu səviyyənin üzərində qalarsa, yenidən 57$-a kimi dəyər qazana bilər.

Çərşənbə günü saat 19:30-da açıqlanacaq Amerikanın neft və benzin ehtiyatları ilə bağlı önəmli fundamental məlumatlar da diqqət mərkəzindədir.

GOLD

Əlvan metallar birjalarında qızılın bir unsiya üzrə qiyməti də 1563$-da dəstək görərək, dəyər qazanmaqdadır və 1608$-ı qırarsa, 1658$-a kimi bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.