Rayonlar bir-birindən barama “oğurlayır” - İCRA BAŞÇISI AÇIQLADI

Rayonlar bir-birindən barama “oğurlayır” - İCRA BAŞÇISI AÇIQLADI

Rayonlar bir-birindən barama “oğurlayır” - İCRA BAŞÇISI AÇIQLADI

Bu gün Kürdəmir rayonunda Baramaçıların Resbublika müşavirəsi keçirilib.

“Marja”nın məlumatına görə, Kürdəmir Rayon İcra Hakimiyyətinin başçısı Ceyhun Cəfərov baramaçılıqda olan bir sıra problemləri açıqlayıb.

İcra başçısı qeyd edib ki, əsas problemlərdən biri kümçülərin saxlama yerlərinin olmamasıdır:

“Məsələn Kürdəmirdə bizim kümçülərin eləsi var ki, özünün yaşadığı evin otağının birini boşaldıb baramanı yetişdirir. Maraq var, sadəcə yerin olmaması çətinlik yaradır. Həmçinin təhlilər aparmışıq, harada saxlama yeri darısqal olub orada məhsuldarlıq aşağı, saxlama yeri geniş olanlarda isə yüksək olub. Yeri geniş olan kümçü hər qram qurda 75-78 kq barama təhvil verib.

Digər bir problem, yetişdirilən baramanın digər rayonlar tərəfindən nağd şəkildə alınmasıdır. Açığını deyəcəm, barama yetişən zaman kümçülərə digər rayonlardan yüksək qiymətlər təklif edilir. Ehtimal ki, bu rayonlar plana əməl edə bilmirlər, ona görə yüksək qiymətlər təklif edirlər. Bizim əsas baramaçılıq təsərrüfatlarımız Kürqırağı kəndlərimizdədir. Ötən il məcbur oldum, Kürün qırağında yerləşən kəndlərdə Kürdə olan lotkaları yığışdırdıq. Kürdəmirin Kür ilə sərhəd olan rayonlardan gecə ilə lotkalar ilə keçib, barama bazarlığını edib qayıdırdılar”.

““ŞƏKİ İPƏK” PULLARI GECİKDİRDİ”

Ceyhun Cəfərov əlavə edib ki, kümçülərin digər bir dərdi baramanın pulunun gecikməsidir:

“Kümçülərimizin bir dərdini də demək istəyirəm. Barama yetişən zaman 4 manat “Şəki İpək” tərəfindən ödənilir, 5 manat da dövlət subsidiya verir. Bunları birləşdirilərək, eyni zamanda nağd şəkildə qapanda verilsə daha yaxşı olar. Ötən il “Şəki İpək” bizim rayondan olan kümçülərin pullarını gecikdirdi. Mən onları toplayaraq narahat olmamağa çağırdım. Bu kimi problemlər həllini tapsa baramaçılığa maraq daha da artacaqdır”.

14.02.2020 09:20